مەملەكەت باسشىسى روزا مۇقانوۆا مەن اقان بيجانوۆتى قابىلدادى

None
None
نۇر-سۇلتان. قازاقپارات - قاسىم-جومارت توقايەۆ ءبىرقاتار كەزدەسۋ وتكىزدى، دەپ حابارلايدى اقوردا.

مەملەكەت باسشىسى «اقوردا» رەزيدەنتسياسىندا جازۋشى-دراماتۋرگ روزا مۇقانوۆا مەن فيلوسوفيا، ساياساتتانۋ جانە ءدىنتانۋ ينستيتۋتىنىڭ ديرەكتورى اقان بيجانوۆتى قابىلدادى.

روزا مۇقانوۆا مەملەكەت باسشىسىنا قازاق ۇلتتىق ونەر ۋنيۆەرسيتەتىنىڭ جاس مامانداردى دايارلاۋ باعىتىندا اتقارىپ جاتقان جۇمىستارى جايىندا ايتتى. اڭگىمەلەسۋ بارىسىندا وتاندىق دراماتۋرگيا مەن تەاتر ونەرىن دامىتۋدىڭ وزەكتى ماسەلەلەرى تالقىلاندى.

اقان بيجانوۆ پرەزيدەنتكە فيلوسوفيا، ساياساتتانۋ جانە ءدىنتانۋ ينستيتۋتىنىڭ جۇمىسى تۋرالى بايانداپ، قازاقستان عىلىمىنىڭ، يدەولوگياسى مەن مادەنيەتىنىڭ قازىرگى احۋالى مەن دامۋ پەرسپەكتيۆالارى جونىندەگى وي-پىكىرىمەن ءبولىستى.

سونىمەن قاتار كەزدەسۋ كەزىندە ءال-ءفارابيدىڭ 1150 جانە ابايدىڭ 175 جىلدىق مەرەيتويلارىن وتكىزۋگە دايىندىق ماسەلەلەرى ءسوز بولدى.

قاسىم-جومارت توقايەۆ قازاقستاندى الەۋمەتتىك-ساياسي جاڭعىرتۋ، سونداي-اق، وسكەلەڭ ۇرپاقتىڭ بويىندا ۇلتتىق قۇندىلىقتاردى قالىپتاستىرۋ بارىسىندا ءال-فارابي مەن ابايدىڭ عىلىمي جانە رۋحاني مۇرالارىن نەگىزگە الۋدىڭ ماڭىزدى ەكەنىن اتاپ ءوتتى.



سوڭعى جاڭالىقتار