نۇر-سۇلتاندا دەمالىس كۇندەرى قانشا اۆتوبۋس رەيسكە شىعادى

None
None
نۇر-سۇلتان. قازاقپارات - ەلوردادا دەمالىس كۇندەرى قانشا اۆتوبۋس رەيسكە شىعادى؟ قازاقپارات ءتىلشىسىنىڭ بۇل سۇراعىنا «استانا LRT» كومپانياسىنىڭ باسپا ءسوز قىزمەتى جاۋاپ بەردى.

«جۇمىس كۇندەرى استانا كوشەلەرىنە 871 اۆتوبۋس شىعادى. ال سەنبىدە – 719، جەكسەنبىدە - 709 اۆتوبۋس تۇرعىنداردى تاسىمالدايدى» دەلىنگەن جاۋاپتا.

كومپانيا ۇسىنعان اقپاراتقا سايكەس، قوعامدىق كولىكتەردىڭ ءجۇرۋ كەستەسى - باعدارلاردىڭ ءتۇرى (قالا، ەكسپرەسس، قالا ماڭى)، تولىمدىلىق كەزەڭى، اۋداندارعا قىزمەت كورسەتۋ، سۇرانىس بويىنشا جۇمىس باستاۋ، سۇرانىس بويىنشا قوزعالىس ارالىعى سەكىلدى فاكتورلاردى ەسكەرە وتىرىپ جاسالادى.

«استانا LRT»  كومپانياسى سونىمەن قاتار، اپتانىڭ ءار كۇنى بويىنشا كەستە ءاربىر باعدارعا جەكە جاسالاتىنىن حابارلايدى. ماسەلەن، اپتانىڭ كۇندەرىن سارالاي وتىرىپ، اۆتوبۋستىڭ تولىمدىلىعى، ۋاقىتى، حالىقتىڭ سۇرانىسى دا وزگەرىپ وتىرۋى مۇمكىن.

«دەمالىس كۇندەرى قوعامدىق كولىك سەنبىلىك جانە جەكسەنبىلىك كەستەگە ساي جۇرەدى. جالپى ول كۇندەرى قالا جولدارىندا جولاۋشىلاردىڭ ازاياتىنى بەلگىلى» دەلىنگەن كومپانيا جاۋابىندا.


سوڭعى جاڭالىقتار