+7 (701) 759 90 19
-16 °С : نۇر-سۇلتان
3 °С : الماتى
USD 376.43 EUR 407.11
RUB 5.76 CNY 53.55
جاڭالىقتار

پرەزيدەنتتىك كادر رەزەرۆى جەڭىمپازدارىنا بىلىمدەرىن دالەلدەيتىن ءسات كەلدى - داۋرەن ابايەۆ

17 قاڭتار 10:45
:ءبولىسۋ
پرەزيدەنتتىك كادر رەزەرۆى جەڭىمپازدارىنا بىلىمدەرىن دالەلدەيتىن ءسات كەلدى - داۋرەن ابايەۆ

نۇر-سۇلتان. قازاقپارات – ق ر اقپارات جانە قوعامدىق دامۋ ءمينيسترى داۋرەن ابايەۆ پرەزيدەنتتىك كادر رەزەرۆى قاتىسۋشىلارىمەن قالاي كەزدەسكەنىن ايتىپ بەردى، دەپ حابارلايدى قازاقپارات ءتىلشىسى.

«شىن مانىندە ناعىز ۇزدىك ىرىكتەۋ بولدى دەپ ايتا الامىن. ءوتىنىم بەرگەن 13 مىڭ ادامنىڭ اراسىنان ۇزدىك 300 ادام تاڭدالدى. مۇنداي كورسەتكىش پرەزيدەنت باستاماسىنىڭ جاستار اراسىندا سۇرانىسقا يە ەكەنىن كورسەتتى. ءبىراق، بۇل - ءالى باستاماسى عانا. ەندى بۇل قاتىسۋشىلار «ناعىز مايداندا» ءوز بىلىمدەرىن دالەلدەۋى ءتيىس. مەنىڭ بىلۋىمشە، 55 ادام جاڭا قىزمەتكە تاعايىندالدى، جىل سوڭىنا دەيىن تاعى جۇزگە جۋىق قاتىسۋشى ءتۇرلى قىزمەتكە تارتىلادى»، - دەدى مينيستر «حابار» ارناسىنداعى «اشىق ديالوگ» باعدارلاماسىندا.

ءمينيستردىڭ ايتۋىنشا، مەملەكەت مۇنداي قاداممەن كادرلىق جەتىسپەۋشىلىكتى تولتىرىپ جاتقان جوق، جاستار ءۇشىن ءتيىمدى الەۋمەتتىك ليفت قالىپتاستىرۋدى كوزدەپ وتىر.

«بۇل - مەملەكەتتىك باسقارۋ جۇيەسىندەگى قۇرىلىمدىق وزگەرىستەر مەن جاڭعىرتۋلاردىڭ ناقتى جولباسشىسى. پرەزيدەنتپەن كەزدەسۋدەن كەيىن مەنىڭ ارىپتەستەرىم كادر رەزەرۆىنىڭ مۇشەلەرىن ءوز بەيىندەرى بويىنشا قابىلدادى. مەن دە مينيسترلىگىمىزدىڭ بەيىنىمەن بايلانىستى قاتىسۋشىلارمەن كەزدەستىم. ءبىزدىڭ اڭگىمەمىز وتە بايسالدى بولدى. مەن ىنتا-ىقىلاسى زور، شىعارماشىلىق ويلارى بار قاراپايىم جاستاردى كوردىم. بۇل بالالاردى ءوز قاتارىمىزعا قوسۋدى جوسپارلاپ وتىرمىز»، - دەدى د. ابايەۆ.

ايتا كەتەيىك، كۇنى كەشە مەملەكەت باسشىسى قاسىم-جومارت توقايەۆ اقوردادا پرەزيدەنتتىڭ كادر رەزەرۆىنە ەنگەن 300 جاسپەن كەزدەسكەن ەدى.

2019-جىلى ۇلىقتاۋ راسىمىندە مەملەكەت باسشىسى قاسىم-جومارت توقايەۆ پرەزيدەنتتىك كادر رەزەرۆى قۇرىلاتىنىن مالىمدەدى. ال سول جىلدىڭ تامىز ايىنىڭ سوڭىندا ق. توقايەۆتىڭ جارلىعىمەن ق ر پرەزيدەنتىنىڭ جانىنداعى جاستار كادر رەزەرۆى جونىندەگى ۇلتتىق كوميسسيا قۇرىلدى. قىركۇيەك ايىندا پرەزيدەنتتىڭ جاستار كادر رەزەرۆىنە ءوتىنىم قابىلداۋ باستالدى.

بۇگىندە پرەزيدەنتتىڭ جاستار كادر رەزەرۆىنە ەنگەن 300 قازاقستاندىق انىقتالعان. جەڭىمپازداردىڭ ورتاشا جاسى - 31.

جوبا جەڭىمپازدارىنىڭ تولىق ءتىزىمىن پرەزيدەنتتىك جاستار كادر رەزەرۆىنىڭ رەسمي سايتىنان كورۋگە بولادى.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات