+7 (701) 759 90 19
0 °С : نۇر-سۇلتان
5 °С : الماتى
USD 378.36 EUR 411.92
RUB 5.76 CNY 53.92
جاڭالىقتار

ۇلتتىق حالىق ساناعى ەكى تاسىلمەن وتكىزىلەدى

17 قاڭتار 09:00
:ءبولىسۋ
ۇلتتىق حالىق ساناعى ەكى تاسىلمەن وتكىزىلەدى

پەتروپاۆل. قازاقپارات - سولتۇستىك قازاقستان وبلىسىندا ۇلتتىق حالىق ساناعىن وتكىزۋگە دايىندىق باستالدى. جاۋاپتى ناۋقاندى جۇرگىزۋگە ءبىر مىڭ ادام تارتىلماق، دەپ حابارلايدى قازاقپارات ءتىلشىسى.

ەلىمىزدە ۇلتتىق حالىق ساناعى ەكى كەزەڭمەن وتەدى. 1-30- ماۋسىم ارالىعىندا جاۋاپتى قىزمەتكەرلەر ءۇي- ءۇيدى ارالاپ تىركەيدى. س ق و ستاتيستيكا دەپارتامەنتى ناۋقانعا دايىندىقتى باستاپ كەتتى. قازىرگى ۋاقىتتا اكىمشىلىك-اۋماقتىق بىرلىكتەردىڭ تىزبەسىن جانە شەكارالارىن ناقتىلاۋ، كوشە اتاۋلارى مەن ءۇي، پاتەر نومىرلەرىن رەتكە كەلتىرۋ جۇمىستارى جۇرگىزىلىپ جاتىر.

س ق و ستاتيستيكا دەپارتامەنتى باسپا ءسوز قىزمەتىنىڭ مالىمەتىنشە، نەگىزگى - ەكىنشى كەزەڭى قازان ايىنا جوسپارلانعان. بۇل ۋاقىتتا ادامداردىڭ سانى، ۇلتى، ۇستاناتىن ءدىنى، الەۋمەتتىك جاعدايى، ياعني ايلىق تابىسى تۋرالى اقپارات الىنادى.

«ت م د ەلدەرىندە ۇلتتىق حالىق ساناعى ءار ون جىل سايىن وتەدى. ماسەلەن، بيىل 2020-جىلى رەسەيدە ۇيىمداستىرىلادى. سولارعا سايكەستەندىرۋ ماقساتىندا ەلىمىزدە ءبىر جىلعا كەيىنگە شەگەرىلدى. ويتكەنى بۇل ماڭىزدى ناۋقاندا حالىق سانىن عانا ەمەس، ەلدىڭ الەۋمەتتىك-ەكونوميكالىق كورسەتكىشىن الامىز. 2009-جىلى وتكەن ساناقتان ەرەكشەلىگى - ەلەكتروندى تۇردە ءوتۋى. مالىمەت پلانشەتكە ەنگىزىلىپ، بىردەن نۇر-سۇلتان قالاسىنا جىبەرىلەدى»، - دەيدى س ق و ستاتيستيكا دەپارتامەنتى باسشىسىنىڭ ورىنباسارى قۋانىشبەك قاليجانوۆ.

ءىس-شاراعا مىڭنان استام ادام تارتىلادى. ولارعا تولتىرىلعان ساۋالناما سانىنا قاراي ەڭبەكاقى تولەنەدى. ساناق جۇرگىزەتىن ماماندار پلانشەتتەرمەن قامتىلادى.

«بيىل حالىق ساناعى ەكى تاسىلمەن جۇرگىزىلەدى. ونىڭ ءبىرى ساۋالنامانى وزدىگىنەن تولتىرۋ. ول ءۇشىن ارنايى «sanaq-2020» ينتەرنەت-پورتالى اشىلادى. ول تاۋلىك بويى جۇمىس ىستەيدى. وتە ىڭعايلى ءتاسىل، تۇرعىن ىڭعايلى ۋاقىتتا ج س ن ەنگىزۋ ارقىلى ءوزى جانە وتباسى مۇشەلەرى تۋرالى مالىمەت ەنگىزەدى. بۇل، بىرىنشىدەن، ساناقتى جەدەل جۇرگىزۋگە، ەكىنشىدەن قاتەلىككە جول بەرمەۋگە مۇمكىندىك بەرەدى. ال ەكىنشى تاسىلىندە ارنايى دايىندىقتان وتكەن ينتەرۆيۋەر ءۇي-ءۇيدى، پاتەر-پاتەردى ارالاپ، تۇرعىننىڭ ايتۋىنا سۇيەنە وتىرىپ، مالىمەت جينايدى»، - دەيى قۋانىشبەك قاليجانوۆ.

سوڭعى رەت مۇنداي ساناق 2009-جىلى ءوتتى. ستاتيستيكا دەپارتامەنىنىڭ مالىمەتىنشە، سول كەزدە وبلىس حالقىن 596535 ادام قۇراعان ەكەن.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات