ەلباسى يبراگيم جاڭعورازوۆتىڭ جاقىندارىنا كوڭىل ايتتى

None
None
نۇر-سۇلتان. قازاقپارات - ەلباسى سوتسياليستىك ەڭبەك ەرى، قوعام قايراتكەرى يبراگيم جاڭعورازوۆتىڭ تۋىستارى مەن جاقىندارىنا كوڭىل ايتۋ جەدەلحاتىن جولدادى، دەپ حابارلايدى elbasy.kz.

قازاقستاننىڭ تۇڭعىش پرەزيدەنتى سوتسياليستىك ەڭبەك ەرى، قوعام قايراتكەرى يبراگيم جاڭعورازوۆتىڭ دۇنيەدەن وتۋىنە بايلانىستى اۋىر قايعىعا ورتاقتاسىپ، كوڭىل ايتتى.

«يبراگيم ءداۋىت ۇلى ەرەكشە ەڭبەكقورلىعى مەن قابىلەت-قارىمىنىڭ ارقاسىندا قاراپايىم زووتەحنيكتەن ءىرى ءوندىرىس كومپانياسىنىڭ باسشىسى، سايلاۋشىلار سەنىمىن ارقالاعان دەپۋتات لاۋازىمىنا دەيىنگى ونەگەلى جولداردان وتكەن ابزال ازامات ەدى. ول ەلىمىزدىڭ ءوسىپ-وركەندەۋىنە، ەگىن جانە مال شارۋاشىلىعىنىڭ دامۋىنا، حالىقتار اراسىنداعى دوستىق پەن ىنتىماق-بىرلىكتىڭ نىعايۋىنا كوپ ەڭبەك ءسىڭىردى. جەمىستى قىزمەتى جوعارى ماراپاتتارمەن اتاپ ءوتىلدى.

ونىڭ عيبراتتى عۇمىرى ۇرپاقتارىنا ءاردايىم ۇلگى بولىپ قالا بەرەدى دەپ ويلايمىن»، - دەلىنگەن جەدەلحاتتا.

سوڭعى جاڭالىقتار