قىتايدا پنيەۆمونيانىڭ جاڭا تۇرىنەن قايتىس بولۋ جاعدايى ەكىنشى رەت تىركەلدى

None
None
بەيجىڭ. قازاقپارات - 69 جاستاعى ەر ادام كوروناۆيرۋستىڭ جاڭا تۇرىنەن تۋىنداعان ۆيرۋستىق پنيەۆمونيادان كوز جۇمدى، دەپ حابارلايدى قازاقپارات جەرگىلىكتى دەنساۋلىق ساقتاۋ ورگانىنا سىلتەمە جاساپ.

«2020 -جىلدىڭ 15-قاڭتارىنداعى جاعداي بويىنشا كوروناۆيرۋستىڭ جاڭا ءتۇرى 41 ادامنان تابىلدى. ولاردىڭ بەسەۋى اۋىر حالدە جاتسا، ەكەۋى كوز جۇمدى. ون ەكىسى اۋرۋحانادان ەمدەلىپ شىقتى»، - دەلىنگەن ۋحان قالالىق دەنساۋلىق ساقتاۋ ورگانىنىڭ حابارلاماسىندا.

ناۋقاستارمەن بايلانىستا بولعان ادامداردىڭ سانى 763 ادامدى قۇراپ وتىر. قازىرگى ۋاقىتتا 119 ادام دارىگەرلەردىڭ باقىلاۋىندا.

اۋرۋدىڭ ادامداردىڭ ءبىر- بىرىنە بەرىلۋ جاعدايلارى انىقتالعان جوق.

«ۋحان پنيەۆمونياسىنىڭ» ءورشۋى الەمدەگى ەڭ ءىرى بولىپ سانالاتىن، حالىقتىڭ جاپپاي ىشكى كوشى- قونىن تۋدىراتىن اي كۇنتىزبەسى بويىنشا ءداستۇرلى قىتاي جاڭا جىلىنىڭ قارساڭىندا (25 قاڭتارداعى تۇندە باستالادى) ورىن الادى.

قىتاي بيلىگىنىڭ بولجامىنا سايكەس، بيىل «چۋنتسزەنى» دايىنداۋ جانە مەرەكەلەۋ ءۇشىن 40 كۇن ىشىندە ازاماتتار ەل بويىنشا 3 ملرد ساپار جاسايدى.

جەرگىلىكتى ب ا ق-تىڭ حابارلاۋىنشا، ۋحان قالاسىنداعى «تيانحە» حالىقارالىق اۋەجايىندا (حۋبەي پروۆينسياسى) جولاۋشىلاردى جىلۋمەن سكانەرلەۋ جۇرگىزىلۋدە.

اۆتور: رۋسلان سۇلەيمەنوۆ

سوڭعى جاڭالىقتار