اقمولا وبلىسىندا ەلىك اتقان قورىقشى ۇستالدى

كوكشەتاۋ. قازاقپارات - اقمولا وبلىسىندا ۋچاسكەلىك ينسپەكتور براكونەرلىكپەن اينالىسقان قورىقشىنى ۇستادى، دەپ حابارلايدى قازاقپارات ءتىلشىسى وبلىستىق پ د باسپا ءسوز قىزمەتىنە سىلتەمە جاساپ.

ۆەدومستۆونىڭ دەرەگى بويىنشا، 13- قاڭتاردا ەرەيمەنتاۋ اۋداندىق پ ب جەرگىلىكتى پوليتسيا قىزمەتى ءبولىمىنىڭ ۋچاسكەلىك ينسپەكتورى «براكونەر» جەدەل الدىن الۋ شاراسى كەزىندە اقسۋات اۋىلى ماڭىندا اڭشىلىق شارۋاشىلىعىنىڭ 40 جاستاعى قورىقشىسىن قولعا ءتۇسىردى.

«وزىنە بەكىتىلگەن اۋماقتى تەكسەرۋ كەزىندە ۋچاسكەلىك ينسپەكتور قاردا جۇرەتىن كولىكتى كوزى شالىپ قالادى. پوليتسيا قىزمەتكەرى كولىكتىڭ سوڭىنا ءتۇسىپ، اۋىلدان شىعا بەرىستە قۋىپ جەتەدى. قاردا جۇرەتىن كولىكتى تىزگىندەگەن جەرگىلىكتى ورمان شارۋاشىلىعىنىڭ قورىقشىسى ەكەنى انىقتالدى»، - دەيدى ۆەدومستۆودان.

پ د باسپا ءسوز قىزمەتىنەن اتاپ وتكەندەي، جەدەل - تەرگەۋ توبى كۇدىكتىدەن «ي ج-54» ماركالى قوساۋىز مىلتىق، 12 كاليبرلى مىلتىق، ەلىكتىڭ ەتى جانە ورمان شارۋاشىلىعىنا تيەسىلى قاردا جۇرەتىن كولىكتى تاركىلەدى.

«وسى وقيعا بايلانىستى ق ر ق ك 337-بابىنىڭ 1-بولىگى (زاڭسىز اڭ اۋلاۋ) بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتىگە «مىندەتتى تۇردە كەلىپ وتىرۋ» پروتسەسسۋالدىق شاراسى قولدانىلدى»، - دەپ تولىقتىردى ۆەدومستۆودان.