18:26, 16 - قاڭتار 2020 | GMT +6
ەلباسى جوعارعى سوت توراعاسىمەن كەزدەستى
نۇر-سۇلتان. قازاقپارات – ق ر تۇڭعىش پرەزيدەنتى - ەلباسى نۇرسۇلتان نازاربايەۆ جوعارعى سوت ءتوراعاسى جاقىپ اسانوۆپەن كەزدەستى.
بۇل تۋرالى قازاقپارات ەلباسىنىڭ باسپا ءسوز قىزمەتىنە سىلتەمە جاساپ حابارلايدى.
كەزدەسۋ بارىسىندا سوت جۇيەسىندە رەفورمالاردى ىسكە اسىرۋ اياسىندا شارالاردى اتقارۋ بارىسى تالقىلاندى.
قازاقستاننىڭ تۇڭعىش پرەزيدەنتى مەملەكەتتىك باسقارۋ جۇيەسىندە سوتتار ەرەكشە ورىندا ەكەنىن ايتا كەلە، حالىقتىڭ سوتتارعا سەنىمىن ارى قاراي ارتتىرۋ بويىنشا جۇمىستاردىڭ ماڭىزدىلىعىن اتاپ ءوتتى.
«كۇن تارتىبىندە ازاماتتار قۇقىقتارىن قورعاۋ مەن سوت جۇيەسىنە حالىقتىڭ سەنىمىن ارتتىرۋ تاقىرىپتارى ۇنەمى وزەكتى بولىپ قالادى. بۇل باعىتتا ەلەۋلى جۇمىستار اتقارىلدى. وسى سالانى دامىتۋ تۇرعىسىندا «100 ناقتى قادام» ۇلت جوسپارىندا ايرىقشا كوڭىل بولىنگەن. بەلگىلەنگەن ماقساتتار ورىندالۋدا، كورسەتكىشتەر جامان ەمەس. سوتتارعا دەگەن سەنىم ارتىپ كەلەدى»، - دەدى ەلباسى.