+7 (701) 759 90 19
-18 °С : نۇر-سۇلتان
-5 °С : الماتى
USD 380.84 EUR 419.50
RUB 6.05 CNY 54.90
جاڭالىقتار

قازاقستاندىق جولاۋشىلار ۆاگونى نەلىكتەن شەتەلدە جوندەلەدى

16 قاڭتار 21:51
:ءبولىسۋ

نۇر-سۇلتان. قازاقپارات - قازاقستاندىق تەمىر جول ۆاگوندارى شەتەلدىك كاسىپورىنداردا جوندەلەدى. ونىڭ سەبەبىن «جولاۋشىلار تاسىمالى» ا ق باس ديرەكتورىنىڭ ورىنباسارى اسىلحان قالدىكوزوۆ ءتۇسىندىردى، دەپ حابارلايدى قازاقپارات ءتىلشىسى.

ونىڭ ايتۋىنشا، 2019-2020-جىلدارى شامامەن 85 ۆاگوندى جاڭارتۋ جوسپارلانعان. ءبىر ۆاگوندى جاڭارتۋعا شامامەن 100 ميلليون تەڭگە قارجى كەتەدى. ال جاڭا ۆاگوننىڭ قۇنى 400 ميلليون تەڭگەدەن اسىپ جىعىلادى.

«قازاقستاندا وتاندىق ۆاگون جاساۋ زاۋىتى بار بولعانىمەن ونىڭ شاماسى جەتپەيدى. پوستسوۆەتتىك كەڭىستىكتە رەسەي، ۋكراينا جانە بەلارۋس زاۋىتتارى بار. مىنە، وسى زاۋىتتار بىزگە قىزمەت كورسەتەدى. بىزدەگى ءۇش كومپانيانىڭ ەڭ ءىرىسى الماتى ۆاگون جوندەۋ زاۋىتى سانالادى. ءبىراق، ولاردىڭ شاماسى جەتپەيدى. سەبەبى ماسەلە ۆاگونداردىڭ ساپاسىن تۇبەگەيلى جاقسارتۋ جايىندا بولىپ وتىر»، - دەدى ول بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

باس ديرەكتورى ورىنباسارىنىڭ دەرەگىنشە، قاڭتار ايىندا جاڭارتىلعان ۆاگونداردىڭ العاشقى لەگى ەلىمىزگە جەتكىزىلەدى.

«ولار ەۋروپالىق ستاندارتپەن ءارى ساپامەن جوندەلگەن. جولاۋشىلار ءۇشىن بارلىق قولايلى جاعداي جاسالعان. ناقتى ايتقاندا وندا ورناتىلعان دۇنيەنىڭ ءبارى جاڭا. ءبىر بولىگىن، بەلارۋستا، ەندى ءبىرىن ۋكراينا مەن رەسەيدە جوندەيمىز»، - دەدى اسىلحان قالدىكوزوۆ.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات