+7 (701) 759 90 19
-4 °С : نۇر-سۇلتان
-13 °С : الماتى
USD 376.51 EUR 418.91
RUB 6.13 CNY 54.90
جاڭالىقتار

ق ر پرەمەر- ءمينيسترى مال شارۋاشىلىعىن دامىتۋ ماسەلەلەرى جونىندە كەڭەس وتكىزدى

16 قاڭتار 16:44
:ءبولىسۋ
ق ر پرەمەر- ءمينيسترى مال شارۋاشىلىعىن دامىتۋ ماسەلەلەرى جونىندە كەڭەس وتكىزدى

نۇر- سۇلتان. قازاقپارات – ق ر پرەمەر- ءمينيسترى ا. مامين مال شارۋاشىلىعىن دامىتۋ ماسەلەلەرى جونىندە كەڭەس وتكىزدى. بۇل تۋرالى قازاقپارات primeminister.kz گە سىلتەمە جاساپ حابارلايدى.

ق ر پرەمەر- ءمينيسترى اسقار ءماميننىڭ توراعالىعىمەن مال شارۋاشىلىعىن دامىتۋ جونىندە كەڭەس ءوتتى.

ءىرى قارا مال باسىن كوبەيتۋ جانە سيىر ەتىنىڭ ءوندىرىسىن ارتتىرۋ بويىنشا قابىلدانىپ جاتقان شارالار، وڭىرلەردىڭ ەتتى مال شارۋاشىلىعىن دامىتۋ بويىنشا الەۋەتى تۋرالى ق ر اۋىل شارۋاشىلىعى ءمينيسترى س. وماروۆ باياندادى.

الدىن- الا مالىمەتتەر بويىنشا، 2019 -جىلى مال شارۋاشىلىعى ونىمدەرىنىڭ جالپى ءوندىرىسى ەلىمىز بويىنشا 2306 ميلليارد تەڭگەنى قۇرادى، بۇل وتكەن جىلدىڭ سايكەس كەزەڭىنىڭ دەڭگەيىنەن%12,5 عا ارتىق.

ءىرى قارا مال (ءى ق م) باسىنىڭ سانى%4 عا 7,4 ميلليون باسقا، جىلقى - %6,8- عا 2,8 ميلليون باسقا، قۇستار -% 2 عا 44,3 ميلليون باسقا، قوي - %2,7 عا 16,9 ميلليون باسقا، تۇيە - %3,5- عا 214,8 مىڭ باسقا، شوشقا - %2,9- عا 822,2 مىڭ باسقا كوبەيگەن.

سويىلعان سالماعىنداعى قۇس ەتىنىڭ ءوندىرىسى% 16- عا 223 مىڭ تونناعا، سيىر ەتى -% 5- عا 501,4 مىڭ تونناعا، جىلقى ەتى -% 4,3- عا 132 مىڭ تونناعا، قوي ەتى - %0,8- عا 152 مىڭ تونناعا، شوشقا ەتى -% 0,3- عا 86 مىڭ تونناعا دەيىن ءوستى.

2019 -جىلى اسىل تۇقىمدى مال شارۋاشىلىعىن دامىتۋدى سۋبسيديالاۋعا جانە سالانىڭ ونىمدىلىگىن ارتتىرۋعا 115,7 ميلليارد تەڭگە قارجى ءبولىندى. 840 وتباسىلىق فەرما 82,2 مىڭ ءىرى قارا مال باسىن ساتىپ الۋعا نەسيە الدى.

2019 -جىلى جەلتوقسان ايىندا «Tyson Foods» امەريكالىق كومپانياسىمەن قول قويىلعان قازاقستانداعى قازىرگى اگرو- مۋلتيپروتەين يندۋسترياسىن دامىتۋعا قاتىسۋ قاعيدالارى تۋرالى كەلىسىم ەتتى مال شارۋاشىلىعىن دامىتۋعا زور سەرپىن بەرەدى. ءبىرىنشى كەزەڭدە ق ر- دا ونىمدىلىگى تاۋلىگىنە 2 مىڭعا جۋىق مال باسى بولاتىن زاماناۋي ەت وڭدەۋ كەشەنىن سالۋ جوسپارلانعان. كاسىپورىن قازاقستاندىق نارىقتىڭ قاجەتتىلىكتەرىن وتەپ قانا قويماي، ونىمدەردى شەتەل نارىقتارىنا ەكسپورتتايتىن بولادى، وسىلايشا، ەلىمىزدەگى جىلدىق اۋىل شارۋاشىلىعىنىڭ ءتۇسىمىن $1 ميللياردتان استامعا قامتاماسىز ەتۋگە ىقپالىن تيگىزەدى.

كەڭەسكە قاتىسۋشىلار مال باسىنىڭ سانىن كوبەيتۋ، ونىڭ ونىمدىلىگىن ارتتىرۋ شارالارىن، مال بورداقىلاۋ الاڭدارىنىڭ جۇكتەمەلەنۋىن قامتاماسىز ەتۋدى جانە مال ازىعى بازاسىن نىعايتۋدى تالقىلادى.

ۇكىمەت باسشىسى قازاقستاندا مال شارۋاشىلىعىن دامىتۋ جونىندەگى كەشەندى جۇمىستاردى جالعاستىرۋدى تاپسىردى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات