دەكرەتكە كەتكەن ەڭ العاشقى مينيستر تۋرالى بىلەسىز بە؟

None
None
نۇر-سۇلتان. قازاقپارات - جاپونيانىڭ قورشاعان ورتانى قورعاۋ ءمينيسترى كويدزۋمي سيندزيرو الەمدەگى العاشقى بالا كۇتىمى جونىندە دەمالىسقا شىققان مينيستر بولماق.

ايتا كەتەرلىگى، شەنەۋنىك جاپونيانىڭ بۇرىنعى پرەمەر-ءمينيسترى كويدزۋمي دزيۋنيتيرونىڭ ۇلى بولىپ تابىلادى. بۇل تۋرالى Sputnik قازاقستان مالىمدەيدى.

Фото: zakon.kz

بەلگىلى بولعانداي قاڭتار ايىنىڭ سوڭىندا ول العاش رەت اكە اتانباق. ءمينيستردىڭ سوزىنشە ول وسى ارەكەتىمەن كوپكە ۇلگى بولعىسى كەلگەن ەكەن.

«مەن ءبىزدىڭ مينيسترلىكتىڭ قىزمەتكەرلەرى دەكرەتكە ەشكىمنەن قىمسىنباستان شىقسا ەكەن دەيمىن»، - دەپ ايتقان ول.

شەنەۋنىك ءتىپتى ايەلى جۇكتى بولعان كەزەڭنەن باستاپ دەمالىسقا شىققىسى كەلىپتى. ءمينيستردىڭ جۇبايى ەلگە كەڭىنەن تانىمال ارۋ. ول - بەلگىلى جاپون مودەلى ءارى تەلەجۇرگىزۋشىسى تاكيگاۆا كريستەل.

كويدزۋمي سيندزيرو ءسابي دۇنيەگە كەلگەن سوڭ ءۇش ايعا تولعانعا دەيىن ەكى اپتادان دەمالىس الىپ وتىرماق. مينيستر ءتىپتى جۇمىس ورنىنا كەلمەي، ۇيدە قىزمەت ەتۋدى نەمەسە قىسقارتىلعان جۇمىس كۇنى بويىنشا جۇمىس ىستەۋدى جوسپارلاپ جۇرگەن كورىنەدى.

ول سونداي-اق قىزمەتكەرلەرىمەن ەلەكتروندى پوشتا جانە بەينەقوڭىراۋ ارقىلى تىلدەسپەك.

دەسە دە اتالعان شەشىم ليبەرالدى-دەموكراتيالىق پارتيانىڭ كونسەرۆاتيۆتى ساياساتكەرلەرى تاراپىنان سىنعا ۇشىراعان.

الايدا قورشاعان ورتانى قورعاۋ ءمينيسترى وسى ارەكەتى ارقىلى كوپكە ۇلگى بولىپ، ەلدەگى ەرلەردىڭ دەكرەتكە شىعۋعا دەگەن كوزقاراسىن وزگەرتپەكشى.

ەلدەگى مالىمەت بويىنشا جاپونيادا 2018-جىلى بالا كۇتىمى بويىنشا دەمالىسقا شىققان ەرلەر %6,16 دى قۇراسا، 2020-جىلى بۇل كورسەتكىش %13 عا جەتكەن.

ايتا كەتەيىك، 2017-جىلى Facebook الەۋمەتتىك جەلىسىنىڭ نەگىزىن قالاۋشى مارك تسۋكەربەرگ تە بالا كۇتىمىنە بايلانىستى دەمالىسقا شىققان ەدى.


سوڭعى جاڭالىقتار