تانىمال ءانشى مەيرامبەك بەسبايەۆ باسقارما ءتوراعاسى بولىپ سايلاندى

None
None
نۇر- سۇلتان. قازاقپارات – ق ر ەڭبەك سىڭىرگەن قايراتكەرى، تانىمال ءانشى مەيرامبەك بەسبايەۆ قازاقستان ورىنداۋشىلار وداعى (كوۋپيس) باسقارما ءتوراعاسى بولىپ سايلاندى. بۇل تۋرالى ءانشى ءوزىنىڭ جەكە پاراقشاسىندا جازدى.

قادىرلى باۋىرلار! قۇرمەتتى ارىپتەستەر، دوستار! وزدەرىڭىزبەن بولىسەتىن ماڭىزدى جاڭالىعىم بار. بۇگىن ونەردە جۇرگەن بارشا ارىپتەستەرىم ۇسىنىس جاساپ، ءبىراۋىزدان داۋىستارىن بەرىپ، مەنى قازاقستان ورىنداۋشىلار وداعى (كوۋپيس) باسقارما ءتوراعاسى ەتىپ سايلادى. ءبىراز جۇرت بىلەدى، قازىرگى تاڭدا بۇل قوعامدىق ۇيىمنىڭ قارجىلىق جاعدايى ناشار، ءبىراز قۇرىلىمداردىڭ الدىندا قارىزى بار، انشىلەر مەن ءان وڭدەۋشىلەردىڭ الدىندا بەدەلى دە تومەندەپ كەتكەن.

بىرلەستىك تاريحىنداعى وسىنداي اۋىر كەزەڭىندە ارىپتەس- دوستارىم مەنى باسشى قىپ سايلاپ وتىرعانى - ماعان سەنگەنىنەن دەپ قابىلداپ وتىرمىن. ارينە، مۇنداي ۇيىمعا جەتەكشىلىك ەتۋ ماعان ۇلكەن جاۋاپكەرشىلىك ارتاتىنىن مەن جان- دۇنيەممەن جاقسى سەزىنىپ ءارى ءتۇسىنىپ وتىرمىن، - دەپ جازدى مەيرامبەك بەسپايەۆ ءوزىنىڭ Instagram-داعى پاراقشاسىندا.

 ول ۇيىمنىڭ جۇمىسىن جاقسارتۋ ارقىلى قازاقتىڭ ءتول ونەرىن دامىتۋدى كوزدەيتىنىن جەتكىزدى. سونداي- اق، سەنىم بىلدىرگەن ارىپتەستەرىنە العىسىن ايتتى.

مەن ەشقاشان باسشىلىق قىزمەتكە ۇمتىلعان ادام ەمەسپىن. مۇنى ءبىر ساحنادا جۇرگەن ارىپتەستەرىم مەن قادىرلى تىڭدارماندارىم دا جاقسى بىلەدى. مەنىڭ ماقساتىم - ۇيىمنىڭ جۇمىسىن جاقسارتۋ ارقىلى قازاقتىڭ ءتول ونەرىن دامىتۋ، ونەردە جۇرگەن انشىلەردىڭ قۇقىقتارىن قورعاپ، ءتيىستى شارۋالارىن شەشۋ بوپ وتىر. ماعان سەنىم بىلدىرگەن ارىپتەستەرىمە مىڭ العىس ايتا وتىرىپ، بولاشاقتىڭ الدىندا ءجۇزىمىز جارىق بولۋ ءۇشىن، بىرلەسە جۇمىس جاساۋعا شاقىرامىن! بىرلىك بار جەردە، الىنبايتىن اسۋ جوق، شەشىلمەيتىن ماسەلە جوق. سول سەبەپتەن، قازاق ونەرىنىڭ دامۋى ءۇشىن تىزە قوسىپ، بىرلەسە قىزمەت ەتەيىك دەمەكپىن، - دەيدى ءانشى.



سوڭعى جاڭالىقتار