قازاقستاندىقتار اقشا ايىرباستاۋ كەزىندە اتى-جوندەرىن حابارلاۋى ءتيىس پە؟
جاڭا ەرەجە تۋرالى ۇلتتىق بانك ءمالىم ەتتى دەپ حابارلايدى KAZ. NUR. KZ.
ەلىمىزدىڭ باستى قارجى نارىعىن رەتتەۋشى ورگانى اتاپ وتكەندەي، ەندى ازاماتتار جارتى ميلليون تەڭگەدەن استام سومانى ايىرباستاۋ ءۇشىن جەكە كۋالىكتەرىن، ال زاڭدى تۇلعالار - كاسىپورىن مەكەنجايىن كورسەتۋى ءتيىس. اقشا ايىرباستاعان ادامداردىڭ بارلىق مالىمەتتەرى ارنايى تىزىلىمگە ەنگىزىلەدى.
ۇلتتىق بانكتىڭ قولما-قول اقشا اينالىمى دەپارتامەنتىنىڭ باسشىسى بۇل ەرەجەنىڭ حالىقارالىق تاجىريبەدە بار ەكەنىن اتاپ كورسەتتى. بۇنداي نورمانىڭ قازاقستاندا بۇعان دەيىن دە قولدانىلىپ كەلگەنى ايتىلدى.
قارجى نارىعىن رەتتەۋشى ورگان ەنگىزگەن جاڭا ەرەجەگە سايكەس، ازاماتتار ەندى 500 مىڭ تەڭگەدەن از سومانى ايىرباستاۋ كەزىندە دە اتى-ءجونى مەن ج س ن ءنومىرىن كورسەتۋى ءتيىس.
سونداي-اق جەكە مالىمەتتەردى تىركەۋ پروتسەسىن جەدەلدەتۋ ءۇشىن ايىرباستاۋ پۋنكتتەرىندە جەكە كۋالىكتەن مالىمەتتەردى وقيتىن ارنايى قۇرىلعى ورناتۋعا بولادى. ۇلتتىق بانكتىڭ مالىمەتىنشە، بۇنداي اپپاراتتار شامامەن 10-15 مىڭ تەڭگە تۇرادى. الايدا، ونى ورناتۋعا شەشىمدى مەكەمە يەسى قابىلدايدى.
ۇلتتىق بانك وكىلدەرىنىڭ ايتۋىنشا، جاڭا ەرەجەلەر قوعاممەن، بيزنەس-قاۋىمداستىقپەن جانە مۇددەلى مەملەكەتتىك ورگاندارمەن ۇزاق ۋاقىت تالقىلاۋدان كەيىن قابىلدانىپ وتىر.
سونىمەن قاتار، كەلەسى ايدان باستاپ ەلىمىزدەگى اقشا ايىرباستاۋ پۋنكتتەرىنىڭ جاڭا تارتىپپەن جۇمىس ىستەيتىنى بەلگىلى بولدى: تاڭعى 9 دان كەشكى 8 گە دەيىن. تەك اۋەجايلاردا، ۆوكزالدار مەن اۆتوكولىك وتكىزۋ بەكەتتەرىندە ورنالاسقان ايىرباستاۋ پۋنكتتەرى عانا تاۋلىك بويى جۇمىس ىستەيدى. ال ۇلكەن ساۋدا ورتالىقتارىنداعى اقشا ايىرباستاۋ نۇكتەلەرى كەشكى 10 عا دەيىن قىزمەت ەتەدى.
ۇلتتىق بانكتىڭ پىكىرىنشە، بۇل اقشا ايىرباستايتىن ازاماتتاردىڭ قاۋىپسىزدىگىن ارتتىرۋعا، سونداي-اق تۇنگى ۋاقىتتا ۆاليۋتا باعامىنىڭ وسپەۋىنە مۇمكىندىك بەرەدى.