مىندەتتى مەديتسينالىق ساقتاندىرۋ: كىم قانشا جارنا تولەيدى؟

الماتى. قازاقپارات - قازاقستاندا مىندەتتى الەۋمەتتىك مەديتسينالىق ساقتاندىرۋ جۇيەسى ەنگىزىلگەلى ەكى اپتادان استى.

ەكى جىل كەيىنگە شەگەرىلىپ بارىپ ىسكە قوسىلعان جاڭا جۇيەگە قاتىستى تۋىنداپ جاتقان سۇراق كوپ. سونىڭ ەڭ نەگىزگىسى - جارنا ماسەلەسى. جۇرتشىلىقتى مازالاعان سۇراقتارعا «الەۋمەتتىك مەديتسينالىق ساقتاندىرۋ قورى» ك ە ا ق الماتى قالالىق فيليالىنىڭ ديرەكتورى نۇرلىبەك قابدىقاپاروۆ جاۋاپ بەرەدى، دەپ حابارلايدى قازاقپارات ءتىلشىسى.

«ساقتاندىرۋ جۇيەسى ەنگىزىلگەننەن كەيىن قالا تۇرعىندارىنان كوپتەگەن سۇراقتار ءتۇسىپ جاتىر. سۇراقتاردىڭ نەگىزگى بولىگى جارنا ماسەلەسىنە كەلىپ تىرەلەدى. ازاماتتاردى قانشا جارنا تولەۋىم كەرەك، ساقتاندىرۋ شەڭبەرىندە كورسەتىلەتىن قىزمەتتەرگە سوماسى جاعىنان شەكتەۋ بار ما، اسكەريلەر قالاي تولەيدى دەگەن سياقتى ساۋالدار مازالايدى»، - دەيدى قوردىڭ الماتى فيليالىنىڭ ديرەكتورى نۇرلىبەك قابدىقاپاروۆ.

ايتۋىنشا، ءبىرىنشى ساناتقا مەملەكەت تاراپىنان ساقتاندىرىلاتىن 15 سانات جاتادى. بۇل تىزىمگە 18 جاسقا دەيىنگى بالالار، زەينەتكەرلەر، ۇلى وتان سوعىسىنىڭ قاتىسۋشىلارى مەن ارداگەرلەرى، رەسمي جۇمىسسىز رەتىندە تىركەلگەندەر، ينتەرنات تاربيەلەنۋشىلەرى، جۇمىس ىستەمەيتىن جۇكتى ايەلدەر، دەكرەتتىك دەمالىستاعى انالار، مۇگەدەكتەر، مۇگەدەك بالا كۇتىمىمەن اينالىساتىندار، ستۋدەنتتەر، تەرگەۋ يزولياتورلارىندا وتىرعاندار، جۇمىسسىز وتانداستار جاتادى. ولاردىڭ جالپى سانى - 11 ميلليونعا جۋىق.

ودان كەيىن جۇمىس بەرۋشىلەر، جالدامالى جۇمىسشىلار، جەكە كاسىپكەرلەر مەن ءوز بەتىنشە تولەۋشىلەر دەگەن ساناتتار بار.

ەستەرىڭىزگە سالا كەتسەك، جۇمىس بەرۋشىلەر قاراماعىنداعى قىزمەتكەرلەر ءۇشىن 2017-جىلدىڭ شىلدەسىنەن باستاپ جارنا تولەپ كەلەدى. 2020-جىلى اتالعان سانات ءوز قاراجاتى ەسەبىنەن ءار قىزمەتكەردىڭ جالاقىسىنان %2 اۋدارادى.

قالعان ساناتتاردىڭ بارلىعى جارنا اۋدارۋعا بيىلدان باستاپ كىرىستى. سونىڭ ىشىندە:

- جالدامالى جۇمىسشىلار - جالاقىنىڭ %1 (جۇمىس بەرۋشى ايلىق جالاقىدان ۇستاپ، قورعاۋ اۋدارىپ وتىرادى)؛

- جەكە كاسىپكەرلەر - 1,4 ەڭ تومەنگى جالاقىنىڭ %5 (اي سايىنعى تولەم - 2975 تەڭگە (ە ت ج - 42500 تەڭگە) تولەيدى؛

«سونىمەن قاتار، الماتىدا ءوزىن-ءوزى جۇمىسپەن قامتىعان 50 مىڭعا جۋىق ادام تۇرادى. بۇل ساناتقا جالدامالى جۇمىسشىلار، جەكە كاسىپكەر قاتارىنا كىرمەيتىن ازاماتتار جاتادى. مىسالى، جەكە كولىگىمەن ادام تاسيتىندار، ءسۇت ساتاتىندار، بالا كۇتۋشىسى بولىپ جۇمىس ىستەيتىندەر، ياعني، كەلىسىمشارت بەكىتپەي-اق جەكە تۇلعاعا قىزمەت ەتەتىن جەكە تۇلعالار ءبىرىڭعاي جيىنتىق تولەم تولەۋىنە بولادى»، - دەدى نۇرلىبەك قابدىقاپاروۆ.

ءبىرىڭعاي جيىنتىق تولەم ەلىمىزدە 2019-جىلدىڭ 1- قاڭتارىنان باستاپ ەنگىزىلگەن بولاتىن. جيىنتىق تولەمنىڭ ىشىندە وزگە دە الەۋمەتتىك تولەمدەرگە قوسا ساقتاندىرۋ جارناسى دا بار. ول - جالپى سومانىڭ 40 پايىزى. ب ج ت - رەسپۋبليكالىق ماڭىزى بار قالالار ءۇشىن 1 ايلىق ەسەپتىك كورسەتكىش (ا ە ك) نەمەسە 2525 تەڭگە، اۋىلدىق جەرلەر ءۇشىن - 0,5 ا ە ك نەمەسە 1263 تەڭگە كولەمىندە بەلگىلەنگەن.

سونىمەن قاتار، ءوز بەتىنشە تولەۋشىلەر دەپ اتالاتىن سانات بار. بۇل ساناتقا جاتاتىن ازاماتتار 1 ە ت ج- نىڭ %5 اۋدارادى.

جارنانى كەز كەلگەن ەكىنشى دەڭگەيلى بانك، «قازپوشتا» بولىمشەلەرى، ەمدەۋ مەكەمەلەرىندە ورنالاسقان «كاسسا 24» تەرمينالدارى مەن Kaspi موبيلدى قوسىمشاسى ارقىلى تولەۋگە بولادى.