يندونەزيادا تەڭىز دەڭگەيى كوتەرىلىپ، ەكى ارال سۋ استىندا قالدى

نۇر- سۇلتان. قازاقپارات - اۋا رايىنىڭ وزگەرۋىنە بايلانىستى تەڭىز دەڭگەيىنىڭ كوتەرىلۋى سالدارىنان يندونەزيانىڭ وڭتۇستىك سۋماترا پروۆينتسياسىنىڭ قۇرامىنا ەنەتىن ەكى ەلسىز ارال سۋ استىنا كەتتى، دەپ حابارلايدى قازاقپارات Jakarta Post گازەتىنە سىلتەمە جاساپ.

بەتەت جانە گۋندۋل شاعىن ارالدارى تەڭىز دەڭگەيىنەن 1 جانە 3 مەترگە تومەندەپ، سۋ استىندا قالدى. اتاپ وتەيىك، بەتەت ارالى بەرباك- سەمبيلانگ ۇلتتىق پاركىنىڭ ءبىر بولىگى بولاتىن.

ەگەر «مۇحيت دەڭگەيىنىڭ كوتەرىلۋىمەن كۇرەس» شارالارى جۇرگىزىلمەسە يندونەزيانىڭ تاعى دا ءتورت ارالىنىڭ جويىلىپ كەتۋ قاۋپى بار.