پاۆلودار وبلىسى اكىمدىگىنىڭ باسشىلىعى قالىپتى رەجىمدە جۇمىس ىستەپ جاتىر - باسپا ءسوز قىزمەتى

پاۆلودار. قازاقپارات - پاۆلودار وبلىسى اكىمىنىڭ باسپا ءسوز قىزمەتى ءوڭىر اكىمشىلىگى باسشىلىعىنىڭ قالىپتى جۇمىس ىستەپ جاتقانىن ءمالىم ەتتى، دەپ حابارلايدى قازاقپارات ءتىلشىسى.

«قازىرگى ۋاقىتتا وبلىس اكىمدىگىنىڭ باسشىلىعى قالىپتى رەجىمدە جۇمىس ىستەپ جاتىر. وبلىس اكىمى ورنىندا ەمەس، ءبىراق ول جۇمىس بابى بويىنشا قالادا ءجۇر»، - دەپ حابارلادى پاۆلودار وبلىسى اكىمىنىڭ باسپا ءسوز قىزمەتى.

تاڭەرتەڭ ول ينۆەستورلار ۇيىندە جينالىس وتكىزۋى كەرەك ەدى، دەيدى ءوڭىر اكىمشىلىگى.

«ءبىراق جۇمىس كەستەسىندەگى وزگەرىستەرگە بايلانىستى كەزدەسۋدى ونىڭ ورىنباسارى ارىستان قابىكەنوۆ وتكىزدى»، - دەپ اتاپ ءوتتى باسپا ءسوز قىزمەتىنەن.

ەسكە سالايىق، بۇعان دەيىن بۇقارالىق اقپارات قۇرالدارىندا پاۆلودار وبلىسىنىڭ اكىمى بولات باقاۋوۆتىڭ ۇستالعانى جانە تەرگەلىپ جاتقانى تۋرالى اقپاراتتار تاراعان. كەشە وبلىس اكىمىنىڭ باسپا ءسوز قىزمەتى بۇل اقپاراتقا قاتىستى تۇسىنىك بەرگەن ەدى.