+7 (701) 759 90 19
-4 °С : نۇر-سۇلتان
-14 °С : الماتى
USD 376.51 EUR 418.91
RUB 6.13 CNY 54.90
جاڭالىقتار

اباي تۋرالى فيلم ءتۇسىرۋ بايقاۋى: وتىنىشتەر قاڭتاردىڭ سوڭىنا دەيىن قابىلدانادى

16 قاڭتار 13:04
:ءبولىسۋ
اباي تۋرالى فيلم ءتۇسىرۋ بايقاۋى: وتىنىشتەر قاڭتاردىڭ سوڭىنا دەيىن قابىلدانادى

نۇر- سۇلتان. قازاقپارات - قازاقتىڭ ۇلى اقىنى جانە ويشىلى اباي تۋرالى فيلم ءتۇسىرۋ كونكۋرسىنا قاتىسۋعا التى ادامنان ءوتىنىش ءتۇستى، دەپ حابارلايدى قازاقپارات ۇلتتىق كينونى قولداۋ مەملەكەتتىك ورتالىعىنا سىلتەمە جاساپ.

«ۇلتتىق كينونى قولداۋ مەملەكەتتىك ورتالىعى «اباي» دەرەكتى فيلمىن، سونىمەن قاتار تولىق مەتراجدى كارتينا تۇسىرۋگە دايىندالىپ جاتىر. ول ءۇشىن كونكۋرس جاريالاندى. 2020 -جىلدىڭ قاڭتار ايىنىڭ سوڭىنا دەيىن بارلىق تۇسكەن وتىنىشتەر قارالىپ، ساراپتامالىق كەڭەستىڭ قورىتىندىسى بويىنشا ۆەدومستۆوارالىق كوميسسياعا قوسىمشا قاراۋ ءۇشىن جىبەرىلەدى. كوميسسيا مۇشەلەرى شەشىم شىعارادى»، - دەدى ۇ ك ق م و ءوندىرىس بويىنشا باسقارما ءتوراعاسىنىڭ ورىنباسارى ولجاباي مۇسابەكوۆ.

ونىڭ ايتۋىنشا، فيلم كوميسسيا مۇشەلەرىنىڭ ۇسىنىستارىنا سايكەس تاڭدالىپ، تۇسىرىلەدى.

«بۇگىنگى تاڭدا كونكۋرسقا قاتىسۋعا التى ءوتىنىم كەلىپ ءتۇستى، ونىڭ ىشىندە فيلم- وپەرا، ەكى تاريحي مەلودراما، 30 سەريادان تۇراتىن دەرەكتى فيلم، 15 سەريالى قىسقامەترلى فيلم جانە تاعى ءبىر تولىقمەتراجدى فيلم بار. قوسىمشا وتىنىمدەردى كۇتەمىز. مەنىڭ ويىمشا، قاڭتاردىڭ سوڭىنا دەيىن بۇدان دا كوپ ۇسىنىستار بولادى»، - دەيدى ول.

ورتالىق قازاقستان اقىن، فيلوسوف، اعارتۋشى جانە ويشىل - ۇلى ابايدىڭ 175 جىلدىعىن اتاپ وتۋگە دايىندالىپ جاتقانىن ايتتى. مەرەيتويلىق مەرەكەلەر قازاقستان پرەزيدەنتى قاسىم- جومارت توقايەۆتىڭ باقىلاۋىندا. مەملەكەت باسشىسى قۇرىلعان كوميسسياعا يۋنەسكو مەن حالىقارالىق تۇركى مادەنيەتى ۇيىمىنىڭ قولداۋىمەن قازاقستاندا جانە ودان تىس جەرلەردە 500-گە جۋىق مەرەكەلىك ءىس- شارا ۇيىمداستىرۋعا دايىندىقتى باستاۋدى تاپسىردى.

ەسكە سالا كەتسەك، بۇعان دەيىن ابايدىڭ 175 جىلدىق مەرەيتويىنا قانداي ءىس- شارالار جوسپارلانعانىن جازعان بولاتىنبىز.

اۆتور: زارينا قاھارمان



باستى سوزدەر: قوعام, مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات