الماتى ماڭىندا ۇشاق سوعىلعان ءۇي زاڭسىز سالىنعان - تالعار قالاسىنىڭ اكىمدىگى

تالدىقورعان. قازاقپارات - الماتى ماڭىندا ۇشاق سوعىلعان ءۇي زاڭسىز سالىنعان. تالعار اۋدانى اكىمىنىڭ باسپا ءسوز قىزمەتى بەرگەن رەسمي مالىمەتكە سايكەس، بىرىنشىدەن ول جەر ۋچاسكەسىنە ءۇي سالۋعا مۇلدەم بولمايدى، ەكىنشىدەن ءۇيدىڭ قوجايىندارى عيمارات جوباسىن اكىمدىكپەن كەلىسپەگەن، تانىستىرماعان، دەپ حابارلايدى قازاقپارات ءتىلشىسى.

«تالعار اۋدانىنىڭ ساۋلەت جانە قالا قۇرىلىسى بولىمىمەن بۇل ۇيگە ساۋلەت- جوسپارلاۋ تاپسىرماسى بەرىلمەگەن، جوبا كەلىسىلمەگەن جانە سالىنعان وبەكتىنى پايدالانۋعا قابىلداۋ اكتىسى تىركەلمەگەن. عيمارات ءوز بەتىمەن سالىنعان قۇرىلىس. ءۇي ەلدى مەكەن شەگىندە ورنالاسقان، الايدا جەر ۋچاسكەسى سۋارمالى جەر بولعان. جەر كودەكسىنە سايكەس مۇندا تۇرعىن ءۇي سالۋعا جول بەرىلمەيدى»، - دەلىنگەن اتالعان ۆەدومستۆونىڭ رەسمي مالىمەتىندە.

سونداي- اق، جەكە قۇرىلىس سالۋ زاڭدىلىعىن زەردەلەۋ ءۇشىن قۇرىلعان جۇمىس توبى ءالى ءوز جۇمىسىن اياقتاعان جوق. تالعار اۋدانى اكىمىنىڭ باسپا ءسوز قىزمەتىنىڭ حابارلاۋىنشا، سول كوميسسيا تولىق شەشىم شىعارادى.

ەستەرىڭىزگە سالا كەتەيىك، 27- جەلتوقسان كۇنى الماتى ماڭىندا «BekAir»  اۋە كومپانياسىنىڭ ۇشاعى اپاتقا ۇشىرادى. اۋە كەمەسىندە 93 جولاۋشى مەن 5 ەكيپاج مۇشەسى بولعان. 12 ادام قازا بولدى. اپاتقا ۇشىراعان ۇشاق الماتىدان نۇر- سسۇلتان قالاسىنا باعىت العان.

اۆتور: سامال قابىشيەۆا