قازاقستان مەن قىتاي اراسىنداعى جۇك تاسىمالىنىڭ كولەمى ەكى ەسە ارتتى
بۇل كورسەتكىش الدىڭعى جىلعا قاراعاندا % 26- كە كوپ. ماسەلەن، ءبىزدىڭ ەلدەن قىتايعا 10 ميلليون 767 مىڭ توننا شيكىزات تاسىمالدانسا، اسپان استى ەلىنەن بىزگە 6 ميلليون 789 مىڭ توننا كولەمىندە ءونىم جەتكىزىلگەن.
كورشى ەلدەر اراسىنداعى ستاتيستيكالىق مالىمەتتەر التىنكول مەن قورعاس ستانسيالارىندا وتكەن جۇمىس كەڭەسىندە بەلگىلى بولدى. كەڭەستە «قازاقستان تەمىر جولى» مەن «ءۇرىمجى تەمىر جولدارى» كومپانيالارىنىڭ دەلەگاتسيالارى كەزدەستى. تاراپتار بيىلعا ارنالعان جۇك تاسىمالى كولەمىن ورىنداۋ جونىندەگى ءىس- شارالاردى قاراپ، ەكىجاقتى جۇك تاسىمالى كولەمىن 19 ميلليون تونناعا جەتكىزۋ تۋرالى جوسپاردى بەكىتتى.
وسىلايشا، قازاقستان اۋماعى ارقىلى قىتاي - ەۋروپا باعىتى بويىنشا كونتەينەرلىك تاسىمالدى ءوسىرۋ، شەكارالىق ستانتسيالار ارقىلى پويىزداردى كەدەرگىسىز جانە جەدەلدەتىپ وتكىزۋدە ناقتى شارالاردى قابىلداۋ تۋرالى ۋاعدالاستىققا قول جەتتى. سونداي- اق تاراپتار بيىلعا ارنالعان دوستىق - الاشانكوۋ جانە التىنكول - قورعاس شەكارالىق وتكەلدەرى ارقىلى كونتەينەرلىك جانە جۇك پويىزدارىنىڭ قوزعالىسى كەستەسىمەن كەلىستى.
www.24.kz