قازاقستاندا فەررو قورىتپا ءوندىرىسى ارتتى
«ءوندىرىس وڭ كورسەتكىشكە يە. ءبىر جىلداعى ءوسىم 6 پايىزعا جەتتى. وتكەن جىلدىڭ 10 ايىندا ەلىمىزدە 2,02 ميلليون توننا فەرروقورىتپا ءوندىرىلدى. ونىڭ 34,3 پايىزى نەمەسە 693,9 مىڭ تونناسى - اقتوبە وبلىسىندا، 62,9 پايىزى نەمەسە 1,27 ميلليون تونناسى - پاۆلودار وبلىسىندا شىعارىلدى. فەرروقورىتپانىڭ جالپى كولەمىنىڭ 86 پايىزى - فەرروحرومعا تيەسىلى. 2019 -جىلدىڭ قاڭتار- قاراشاسىندا وندىرىلگەن فەرروحروم كولەمى 1,74 ميلليون توننا بولدى. بۇل ءبىر جىل بۇرىنعى كولەمنەن 7,7 پايىزعا ارتىق. مۇنان بولەك 110,5 مىڭ توننا فەررو سيليكو مارگانەتس ءوندىرىلدى»، - دەلىنگەن تاراتىلعان اقپاراتتا.
2019 -جىلدىڭ 10ايىنىڭ قورىتىندىسىندا ەلىمىزدە وندىرىلگەن فەررو قورىتپانىڭ تورتتەن ءۇشى ەكسپورتقا جونەلتىلگەن. قاڭتار- قاراشادا ەكسپورتقا 1,55 ميلليون توننا فەرروقورىتپا جىبەرىلدى. بۇل - اقشاعا شاققاندا 1,7 ميلليارد دوللار. تونناعا شاققاندا ەكسپورتتىق جەتكىزىلىم كولەمى 6,7 پايىزعا ءوسىپ وتىر. دەگەنمەن، اقشالاي كورسەتكىش 14,4 پايىزعا قۇلدىراعان.
قازاقستاننىڭ فەررو قورىتپا ونىمدەرىن نەگىزىنەن قىتاي، جاپونيا، كورەيا، رەسەي جانە ا ق ش ساتىپ الادى.
اۆتور: مارلان جيەمباي