قورعانىس مينيسترلىگى «سوعىس جاعدايى تۋرالى» زاڭنىڭ جاڭاشىلدىقتارىن ءتۇسىندىردى
ايتا كەتسەك، بۇعان دەيىن پارلامەنت ءماجىلىسىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سوعىس جاعدايى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ ءبىرىنشى وقىلىمدا ماقۇلدانعانى حابارلانعان بولاتىن. وسىعان بايلانىستى دانيار ءالجانوۆ زاڭناماعا سايكەس، كىرۋگە تىيىم سالىناتىن اۋماق تۇسىنىگى قالايشا كەڭەيتىلەتىنىن ايتىپ بەردى.
«بۇل جەردە حالىقتىڭ، اسىرەسە اسكەري نىساندارعا جاقىن تۇراتىن ادامداردىڭ قاۋىپسىزدىگىن قامتاماسىز ەتدى كوزدەيتىن كەشەندى شارالار اڭگىمە بولىپ وتىر. بىزدە مىناداي ۇسىنىستار بار:
- وق- ءدارى ارسەنالدارى مەن بازاسىن جەردى پايدالانۋدىڭ ەرەكشە جاعدايداعى اۋماعىنا جەتكىزۋ؛
- «تىيىم سالىنعان اۋدان» تۇسىنىگىنىڭ اياسىن كەڭەيتۋ؛
- ساقتاۋداعى وق- دارىلەردىڭ كولەمى مەن ءتۇرى، تيپىنە قاراي تىيىم سالىنعان اۋداندار مەن اۋماقتاردىڭ كولەمىن بەكىتۋ؛
- تىيىم سالىنعان اۋداندار مەن اۋماقتاردىڭ كولەمىن ءى ءى م، ي ي د م، ا ش م جانە اكىمدىكتەرمەن بىرگە ەسەپتەۋ؛
- تىيىم سالىنعان اۋماق ەرەجەلەرىنىڭ مارتەبەسىن كوتەرۋ جانە ونى بەكىتۋ بويىنشا ۇكىمەتكە قۇزىرەت بەرۋ؛
- تىيىم سالىنعان اۋداندار مەن اۋماقتاردىڭ شەكاراسىن ساقتاۋ بويىنشا جەرگىلىكتى اتقارۋشى ورگانداردىڭ جاۋاپكەرشىلىگىن كۇشەيتۋ»، - دەدى قورعانىس مينيسترلىگىنىڭ باسپا ءسوز حاتشىسى.
دانيار ءالجانوۆتىڭ ايتۋىنا قاراعاندا، اتالعان جۇمىس 2019 -جىلدىڭ جازىنان بەرى دەپۋتاتتارمەن بىرگە جۇرگىزىلىپ كەلەدى. سونىمەن قاتار، سپيكەر باسقا دا ساقتاۋ نىساندارىندا جۇمىس جۇرگىزىلىپ جاتقانىن اتاپ ءوتتى.
«ارىستاعى توتەنشە وقيعادان كەيىن ءمينيستردىڭ تاپسىرماسى بويىنشا كوميسسيا قۇرىلىپ، ونىڭ قۇرامىنا بىلىكتىلىگى جوعارى اسكەري ماماندار كىردى. كوميسسيا بۇكىل ەل بويىنشا اسكەري نىساندارعا ريەۆيزيا جۇرگىزىپ، تالدادى. جىلدار بويى جينالىپ كەلگەن كەمشىلىكتەردى انىقتادى. بۇل جۇمىستىڭ اۋقىمى وتە كەڭ. وسى جۇمىستاردى قورىتىندىلاي كەلە وق- دارىلەردى ساقتاۋ نىساندارىن جەتىلدىرۋ بويىنشا كەشەندى جوسپارعا كىرىسىپ كەتتىك»، - دەيدى ول.
اۆتور: ايان بەكەن ۇلى