10:09, 16 - قاڭتار 2020 | GMT +6
ا ق ش پەن قىتاي ساۋدا سوعىسىن السىرەتۋگە باعىتتالعان كەلىسىمگە قول قويدى
ۆاشينگتون. قازاقپارات – ا ق ش پەن قىتاي الەمدىك نارىققا قاتتى اسەر ەتىپ، الەمدىك ەكونوميكاعا كەرى اسەرىن تيگىزگەن ساۋدا سوعىسىن السىرەتۋ تۋرالى كەلىسىمگە قول قويدى، دەپ حابارلايدى قازاقپارات ВВС- گە سىلتەمە جاساپ.
ۆاشينگتوندا وتكەن كەزدەسۋدە ا ق ش پرەزيدەنتى دونالد ترامپ بۇل كەلىسىم ا ق ش ەكونوميكاسىنا وڭ ىقپال ەتەتىنىن مالىمدەدى. ال قىتاي تاراپى بۇل كەلىسىم ەكى مەملەكەت ءۇشىن دە ۇتىمدى ەكەنىن جانە ەكى ەل اراسىنداعى قارىم- قاتىناسقا وڭ ىقپال ەتەتىنىن ايتتى.
كەلىسىم بويىنشا قىتاي ا ق ش يمپورتىن 200 ميلليارد دوللارعا جەتكىزىپ، ينتەللەكتۋالدى مەنشىك ەرەجەسىن كۇشەيتەدى. ال ا ق ش قىتاي تاۋارىنا ەنگىزىلگەن جاڭا تاريفتەردى ەكى ەسە قىسقارتادى.
ايتا كەتۋ كەرەك، ا ق ش پەن قىتاي 2018 -جىلدان بەرى تاريفتىك سوعىس جۇرگىزىپ كەلەدى. سونىڭ نەگىزىندە يمپورتقا قوسىمشا سالىقتار ەنگىزىلگەن ەدى. بۇل ساۋدا سوعىسى جاھاندىق ەكونوميكالىق ءوسىمدى تومەندەتىپ، ينۆەستورلارعا كەرى اسەر ەتتى.
اۆتور: ايكۇمىس بولاتبەك