+7 (701) 759 90 19
3 °С : نۇر-سۇلتان
8 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

شاڭحاي ىنتىماقتاستىعى ۇيىمى ۇكىمەت باسشىلارىنىڭ وتىرىسى العاش رەت ءۇندىستاندا وتەدى

16 قاڭتار 09:50
:ءبولىسۋ
شاڭحاي ىنتىماقتاستىعى ۇيىمى ۇكىمەت باسشىلارىنىڭ وتىرىسى العاش رەت ءۇندىستاندا وتەدى

بەيجىڭ. قازاقپارات - شاڭحاي ىنتىماقتاستىعى ۇيىمىنا (ش ى ۇ) مۇشە ەلدەردىڭ ۇكىمەت باسشىلارىنىڭ وتىرىسى بيىلعى كۇزدە العاش رەت ءۇندىستاندا وتەدى.

بۇل تۋرالى بۇگىن نيۋ- دەليدە وتكەن «رايسين ديالوگى» حالىقارالىق كونفەرەنسياسىندا ش ى ۇ- نىڭ باس حاتشىسى ۆلاديمير نوروۆ ءمالىم ەتتى، دەپ حابارلايدى «قازاقپارات» ح ا ا مەنشىكتى ءتىلشىسى.

«بيىل ءۇندىستان ش ى ۇ- نىڭ ماڭىزدىلىعى جونىنەن ەكىنشى ورىنداعى - ۇكىمەتتەر باسشىلارى كەڭەسىنە ءتوراعالىق ەتەدى. ونىڭ كەلەسى وتىرىسى ءۇندىستاندا كۇزدە وتەدى»، - دەدى ۆ. نوروۆ.

بۇل رەتتە باس حاتشى ۇكىمەتتەر باسشىلارىنىڭ وتىرىسى الدىندا مينيسترلىكتەردىڭ جانە ساراپشىلاردىڭ كەزدەسۋلەرى وتەتىنىن ءمالىم ەتتى. سونداي- اق ءۇندىستاندا ەكونوميكالىق ماسەلەلەر جونىندەگى ساراپتامالىق ورتالىقتار كونسورتسيۋمىنىڭ ءبىرىنشى وتىرىسىن ۇيىمداستىرۋ جوسپارلانعان.

ش ى ۇ- نى قۇرۋ جونىندەگى دەكلاراتسياعا 2001 -جىلدىڭ ماۋسىمىندا شاڭحايدا التى مەملەكەت: قازاقستان، قىرعىزستان، قىتاي، رەسەي، تاجىكستان جانە وزبەكستان قول قويدى. 2017 -جىلى قازاقستان استاناسىندا ۇيىمعا مۇشە مەملەكەت ستاتۋسىن ءۇندىستان مەن پاكىستان الدى.

بۇگىندە ش ى ۇ- عا ەنۋ تۋرالى (باقىلاۋشى/ ديالوگ بويىنشا سەرىكتەس) ۇسىنىس 12 ەلدەن ءتۇستى. ولار - بانگلادەش، ساۋد ارابياسى، سيريا، مىسىر، يزرايل، مالديۆ ارالدارى، ۋكراينا، يراك، ۆەتنام، باحرەين، كاتار جانە ب ا ءا.

اۆتور ميرا تولەندى قىزى



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات