+7 (701) 759 90 19
-16 °С : نۇر-سۇلتان
-4 °С : الماتى
USD 380.84 EUR 419.50
RUB 6.05 CNY 54.90
جاڭالىقتار

پوليتسياعا ۇيىنەن اقشا ۇرلاندى دەپ جالعان اقپارات بەرگەن ايەلدىڭ باسى بالەگە قالدى

16 قاڭتار 09:14
:ءبولىسۋ
پوليتسياعا ۇيىنەن اقشا ۇرلاندى دەپ جالعان اقپارات بەرگەن ايەلدىڭ باسى بالەگە قالدى

تالدىقورعان. قازاقپارات - الماتى وبلىسىندا نەسيەسىن تولەگەن ايەل ۇيىنەن اقشا ۇرلانعانىن ايتىپ پوليتسياعا جالعان اقپارات بەرگەن، - دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، وقيعا تالعار اۋدانىندا بولعان. 39 جاستاعى ايەل ءتارتىپ ساقشىلارىنا ارىزدانىپ، ۇيىنەن 100 مىڭ تەڭگە جوعالعاندىعىن جەتكىزگەن. پوليتسيا قىزمەتى اتالعان فاكتى بويىنشا ءىس قوزعاپ، تەرگەۋگە كىرىسكەن. ءبىراق سوڭىندا ەشقاندايدا ۇرلىقتىڭ بولماعانى انىقتالعان. سەبەبى، شاعىمدانۋشى ءوزىنىڭ تۇسىنىكتەمەسىندە شاتاسىپ، وقيعانى ءارتۇرلى ەتىپ، قۇبىلتىپ ايتا باستاعان. وسىلايشا ارىزدانۋشىنىڭ ءوزى ارەكەتىمەن قىلمىستىڭ بولماعانىن اشىپ بەرگەن.

«ەشقانداي توناۋ فاكتىسىنىڭ بولماعانىن، پوليتسياعا جالعان اقپارات بەرگەنىن ول سوڭىندا مويىندادى. انىقتالعانداي، ايەل ادام نەسيە العان. نەسيەنى ۇيدەگى قاراجاتپەن تولەگەن. ءبىراق ونىڭ نەسيە العاندىعى جونىندە جولداسى بىلمەگەن. ول ۇيدە جانجال بولادى دەپ، نەسيە تولەگەن اقشانى ۇرلاپ كەتتى دەپ ويدان شىعارعان»، - دەپ مالىمدەدى اتالعان ۆەدومستۆونىڭ باسپا ءسوز قىزمەتى.

ەندى توناۋ فاكتىسى بويىنشا ءىس توقتاتىلىپ، پوليتسەيلەر جالعان اقپارات بەرگەن ايەلدىڭ ۇستىنەن ق ر ق ك 419-بابىنىڭ 2-تارماعىنا سايكەس ءىس قوزعادى. اتالعان باپ تالاپتارى بويىنشا كۇدىكتى 4 مىڭ ايلىق ەسەپتىك كورسەتكىش كولەمىنە دەيىن ايىپپۇل تولەيدى نەمەسە 5 جىلعا دەيىن باس بوستاندىعىنان ايىرىلۋى مۇمكىن.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات