+7 (701) 759 90 19
-3 °С : نۇر-سۇلتان
2 °С : الماتى
USD 378.60 EUR 417.75
RUB 6.13 CNY 54.58
جاڭالىقتار

قازاقستاندا ۇلتتىق ءبىرىڭعاي تەستىلەۋ باستالدى

16 قاڭتار 09:03
:ءبولىسۋ
قازاقستاندا ۇلتتىق ءبىرىڭعاي تەستىلەۋ باستالدى

نۇر- سۇلتان. قازاقپارات - بۇگىن قازاقستاننىڭ جۇزگە جۋىق تەستىلەۋ پۋنكتىندە ۇلتتىق ءبىرىڭعاي تەستىلەۋدىڭ العاشقى كەزەڭى باستالدى، دەپ حابارلايدى قازاقپارات ءتىلشىسى.

2020 -جىلدىڭ 16-20 - قاڭتارى ارالىعىندا 95 مىڭنان استام ۇمىتكەر ۇ ب ت تاپسىرادى.

ايتا كەتەيىك، جوعارى وقۋ ورنىنا اقىلى نەگىزدە ءتۇسۋ ءۇشىن ۇ ب ت جىلىنا 4 رەت وتكىزىلەدى (قاڭتار، ناۋرىز، ماۋسىم جانە تامىز). بۇل رەتتە، وقۋعا تۇسۋشىلەر ءبىلىم گرانتى كونكۋرسىنا قاتىسۋ ءۇشىن ماۋسىم ايىندا وتەتىن ۇ ب ت- نى تاپسىرۋى قاجەت. جالپى، ۇلتتىق ءبىرىڭعاي تەستىلەۋدى تاپسىرۋ فورماتى وزگەرگەن جوق. بۇل نورما جوعارى ءبىلىم الۋعا قولجەتىمدىلىكتى ارتتىرۋ ماقساتىندا ەنگىزىلدى.

ۇ ب ت- عا قاتىسۋ ءۇشىن قۇجاتتار 2019 -جىلى 1-15 - جەلتوقسان ارالىعىندا ءبىرىڭعاي اقپاراتتىق جۇيە ارقىلى قابىلداندى. ناتيجەسىندە، ۇ ب ت- عا قاتىسۋعا 95 مىڭنان استام ادام ءوتىنىش بەردى. ونىڭ ىشىندە 75520 وقۋشى تەستىلەۋدى قازاق تىلىندە، 22744 بالا - ورىس تىلىندە جانە 176 بالا اعىلشىن تىلىندە تاپسىرادى.

ساناتتار بويىنشا، 90808 بالا - 11 (12) سىنىپتا وقيدى جانە بىلتىرعى تەستىلەۋدەن وتپەگەن، ج و و- عا شارتتى تۇردە قابىلدانعان 2701 ۇمىتكەر بار. ودان بولەك، شىعارماشىلىق دايىندىقتى تالاپ ەتەتىن، وزگە ءبىلىم بەرۋ باعدارلاماسىنا اۋىسقىسى كەلەتىن 1-2- كۋرستاعى 1841 ستۋدەنت بار.

ۇ ب ت- دا 820 اۋديتوريا پايدالانىلادى. بارلىق اۋديتوريالار ۇيالى بايلانىس قۇرالدارىنىڭ جۇمىسىن بۇعاتتايتىن قۇرالدارمەن جانە بەينەباقىلاۋ كامەرالارىمەن قامتاماسىز ەتىلگەن. تىيىم سالىنعان زاتتار تابىلعان ۇمىتكەر ۇ ب ت- عا كىرگىزىلمەيدى جانە اكت ارقىلى عيماراتتان شىعارىلادى.

وڭىرلەرگە ق ر ءبىلىم جانە عىلىم مينيسترلىگىنىڭ 447 وكىلى جىبەرىلەدى، اپەللياتسيالىق كوميسسيالار قۇرىلادى، مەديتسينالىق كومەك كورسەتۋ بەكەتتەرى ۇيىمداستىرىلادى جانە تەستىلەۋ بارىسىنداعى قاۋىپسىزدىك قامتاماسىز ەتىلەدى. بۇدان بولەك، قاجەت بولعان جاعدايدا جەكە كومەكشىلەر، سونداي- اق ەرەكشە ءبىلىم بەرۋ قاجەتتىلىگى بار بالالارعا ارنالعان سۋردواۋدارماشىلار ۇسىنىلادى.

جەرگىلىكتى جەرلەردە ۇ ب ت ۇيىمداستىرۋ جانە وتكىزۋ بويىنشا مەملەكەتتىك كوميسسيالار قۇرىلدى. مەملەكەتتىك كوميسسيا قۇرامىنا وبلىستار نەمەسە رەسپۋبليكالىق ماڭىزى بار قالالار اكىمدىكتەرىنىڭ وكىلدەرى، قۇقىق قورعاۋ ورگاندارىنىڭ، قوعامدىق ۇيىمداردىڭ، بۇقارالىق اقپارات قۇرالدارىنىڭ وكىلدەرى كىردى.

اۆتور ايجان سەرىكجان قىزى



باستى سوزدەر: ءبىلىم جانە عىلىم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات