پرەزيدەنتتىك كادرلىق رەزەرۆ: ەلوردا اكىمى جاستاردى جۇمىسقا شاقىردى

None
None
نۇر-سۇلتان. قازاقپارات - ەلوردا اكىمى التاي كولگىنوۆ پرەزيدەنتتىك كادرلىق رەزەرۆكە ەنگەن جاستارمەن كەزدەستى، دەپ حابارلايدى قازاقپارات.

كەزدەسۋ بارىسىندا قالانى دامىتۋدىڭ نەگىزگى باعىتتارى، ونىڭ ىشىندە ۋربانيستيكا، تەحنولوگيالاردى كوممەرتسيالاندىرۋ، سونداي-اق «قاراپايىم زاتتار ەكونوميكاسى» باعدارلاماسىن دامىتۋ ماسەلەلەرى تالقىلاندى.

«بۇگىن قاسىم-جومارت كەمەل ۇلى رەزەرۆكە وتكەن ماماندارمەن كەزدەسۋ بارىسىندا مەملەكەتتىك اپپاراتتى ودان ءارى دامىتۋ تۋرالى ءبىرقاتار تاپسىرما جۇكتەدى. قازىرگى - ءتورتىنشى تەحنولوگيالىق رەۆوليۋتسيا زامانىندا بىزگە جاڭاشا ويلايتىن، پراگماتيك ماماندار قاجەت. سيفرلاندىرۋ داۋىرىندە مەملەكەتتىك قىزمەتكەر اتالمىش قاسيەتتەرگە يە بولۋى ءتيىس. مەملەكەتتىك اپپاراتتىڭ نەگىزگى مىندەتتەرىنىڭ ءبىرى «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋ بولىپ تابىلادى. ءبىزدىڭ مىندەتىمىز - حالىقپەن كەرى بايلانىستى نىعايتىپ، ازاماتتاردىڭ وزەكتى ساۋالدارىنا جەدەل جاۋاپ بەرۋ. پرەزيدەنتتىك كادرلىق رەزەرۆ - بۇل مەريتوكراتيا قاعيداتىنا سايكەس كەلەتىن جاستارعا ارنالعان الەۋمەتتىك ليفت. جاستاردى قولداپ، ادامي كاپيتالدى دامىتۋ - باستى مىندەتتەرىمىزدىڭ ءبىرى بولىپ تابىلادى. سىزدەردى قالالىق اكىمدىككە جۇمىسقا شاقىرامىن. ءبىلىمدى جانە كرەاتيۆتى جاستار ءۇشىن ەسىگىمىز ءارقاشان اشىق. سىزدەر بىرنەشە كەزەڭنەن تۇراتىن ساپالى ىرىكتەۋدەن وتتىڭىزدەر. 13 مىڭ ۇمىتكەردىڭ 300 ى رەزەرۆكە ەندى»، - دەدى قالا اكىمى التاي كولگىنوۆ.

ەلوردا باسشىسى جاستارعا ەلىمىزدىڭ وركەندەۋى جولىندا ادال ەڭبەك ەتىپ، وسكەلەڭ ۇرپاققا ۇلگى بولۋلارىن تىلەدى.

نۇر-سۇلتان قالاسىنىڭ اكىمدىگىنەن ءمالىم ەتكەندەي، پرەزيدەنتتىك جاستار كادرلىق رەزەرۆىنە ەنگەن جاستارمەن كەزدەسۋلەر الداعى ۋاقىتتا دا وتەتىن بولادى.

«قانشا ماماننىڭ كەلەتىنى تاعايىنداۋلاردان كەيىن جاريالاناتىن بولادى»، - دەدى ۆەدومستۆونىڭ باسپا ءسوز قىزمەتىنەن.

ايتا كەتەيىك، پرەزيدەنتتىك جاستار كادرلىق رەزەرۆى مەملەكەت باسشىسى قاسىم-جومارت توقايەۆتىڭ تاپسىرماسىنا سايكەس قۇرىلدى. بۇگىن پرەزيدەنت كادرلىق رەزەرۆكە وتكەن 300 جاسپەن كەزدەستى.


سوڭعى جاڭالىقتار