+7 (701) 759 90 19
5 °С : نۇر-سۇلتان
10 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

ر ف پرەزيدەنتى ۆلاديمير پۋتين دميتري مەدۆەدەۆكە جاڭا قىزمەت ۇسىندى

16 قاڭتار 07:30
:ءبولىسۋ
ر ف پرەزيدەنتى ۆلاديمير پۋتين دميتري مەدۆەدەۆكە جاڭا قىزمەت ۇسىندى

ماسكەۋ. قازاقپارات - رەسەي پرەزيدەنتى ۆلاديمير پۋتين ر ف قاۋىپسىزدىك كەڭەسى ءتوراعاسىنىڭ ورىنباسارى جاڭا لاۋازىمىن ەنگىزىپ، وعان مينيسترلەر كابينەتىنىڭ بۇرىنعى باسشىسى دميتري مەدۆەدەۆتى تاعايىنداۋدى ۇسىندى، دەپ حابارلايدى «قازاقپارات» ح ا ا مەنشىكتى ءتىلشىسى.

ۆ. پۋتين مينيسترلەر كابينەتىنە قول جەتكىزىلگەن جەتىستىكتەر ءۇشىن العىس ايتتى. «ۇكىمەتتىڭ جاڭا قۇرامى قۇرىلعانعا دەيىن ءوز مىندەتتەرىڭىزدى تولىق كولەمدە اتقارۋدى سۇرايمىن»، - دەدى ول رف ۇكىمەتىنىڭ ەكس-توراعاسىمەن كەزدەسۋ بارىسىندا.

ەل پرەزيدەنتى سونداي-اق، د. مەدۆەدەۆتىڭ پرەمەر-مينيستر لاۋازىمىندا ۇلكەن تاجىريبەسى بارىن جانە ول ءار ۋاقىتتا قاۋىپسىزدىك پەن قورعانىس ماسەلەلەرىمەن اينالىسقانىن اتاپ ءوتتى.

«بۇل مۇمكىن دەپ سانايمىن جانە ودان ناقتى وسى ساناتتاعى ماسەلەلەردى قولعا الۋدى ءوتىندىم. بۇل مۇمكىن دەپ ويلايمىن جانە الداعى جاقىن ۋاقىتتا مۇنى ىسكە اسىرامىن – ر ف قاۋىپسىزدىك كەڭەسى ءتوراعاسىنىڭ ورىنباسارى لاۋازىمى ەنگىزىلەتىن بولادى. قاۋىپسىزدىك كەڭەسىنىڭ ءتوراعاسى پرەزيدەنت بولىپ تابىلاتىنى بەلگىلى. ەگەر قولدانىستاعى زاڭعا وزگەرىستەر ەنگىزۋ قاجەت بولسا، مۇنى جاساۋعا دايىنمىن. تاياۋ كۇندەرى دەپۋتاتتاردى دا قولداۋ بىلدىرۋگە شاقىراتىن بولامىن»، - دەدى رف باسشىسى.

ەسكە سالايىق، بۇگىن ۆ. پۋتين ر ف فەدەرالدى جينالىسىنىڭ الدىندا جولداۋىن جاريالاپ، وندا الداعى كەزەڭدەگى جۇمىستاردىڭ باسىمدىقتارىن ايقىندادى. سونداي-اق ەل كونستيتۋتسياسىنا وزگەرىستەر ەنگىزۋدى ۇسىندى. كەيىن ەل ۇكىمەتى تولىق قۇرامدا وتستاۆكاعا كەتەتىنى ءمالىم بولدى.



#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات