الماتى وبلىسىنىڭ جاركەنت قالاسىنداعى كوشەلەرگە باتىر-بيلەردىڭ ەسىمى بەرىلدى
جازيرالى جاركەنت جەرى ەجەلدەن-اق ءان مەن جىردىڭ، تولايىم تاريحي وقيعالاردىڭ ءتىرى كۋاسىندەي شەجىرەلى ولكە، حالىقتىق قادىر-قاسيەتتى باياعىدان-اق مەيىلىنشە قاستەرلەپ، ايرانداي ۇيىپ وتىرعان ءوڭىر. كۇللى قازاق جەرىندەگى سياقتى مۇندا دا ەل باستاعان كوسەمدەر، ەردىڭ قۇنىن ەكى اۋىز سوزبەن شەشكەن شەشەندەر، ايباتتى باتىرلار مەن اتاقتى بيلەر وتكەن.
بيىلعى 2020 -جىلدىڭ العاشقى كۇندەرىندە جاركەنت قالاسىنىڭ بىرنەشە كوشەسىنە سونداي تۇعىرلى تۇلعالاردىڭ ەسىمدەرى بەرىلدى.
اتاپ ايتقاندا، بۇدان بىلاي جاڭا شاعىن اۋدانداعى №6-كوشە - ۇزىن مۇرت ۇزاق باتىردىڭ، №7-كوشە - شويناق باتىردىڭ، №9-كوشە - ساتاي باتىردىڭ، №10-كوشە - دونەن ءبيدىڭ، №11-كوشە - ءشانتى ءبيدىڭ، №12-كوشە - بولەك باتىردىڭ، №13-كوشە - باعاي باتىردىڭ، №16-كوشە - سالپىق ءبيدىڭ، بۇرىنعى «نابەرەجنايا» كوشەسى نۇرجەكە باتىردىڭ ەسىمىمەن اتالاتىن بولدى.
سونىمەن بىرگە بۇرىنعى «شەكاراشىلار» كوشەسى مەن №17-كوشەگە اۋىل شارۋاشىلىعى سالاسىندا ۇزاق جىلدار بويى جەمىستى ەڭبەك ەتىپ، اۋداننىڭ الەۋمەتتىك- ەكونوميكالىق دامۋىنا زور ۇلەس قوسقان تۇرعانعازى جاپارقۇلوۆتىڭ جانە ءنابي سارپەكوۆتىڭ ەسىمدەرى بەرىلدى.
فوتو: kolomnaonline.ru
اۆتور: ءنۇرادىل بەگىمبەت