+7 (701) 759 90 19
-15 °С : نۇر-سۇلتان
-4 °С : الماتى
USD 380.84 EUR 419.50
RUB 6.05 CNY 54.90
جاڭالىقتار

ماجىلىستە «سوعىس جاعدايى تۋرالى» زاڭعا پرەزيدەنتكە قاتىستى وزگەرىس ەنگىزىلەدى

15 قاڭتار 20:28
:ءبولىسۋ
ماجىلىستە «سوعىس جاعدايى تۋرالى» زاڭعا پرەزيدەنتكە قاتىستى وزگەرىس ەنگىزىلەدى

نۇر-سۇلتان. قازاقپارات - پارلامەنت ءماجىلىسىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سوعىس جاعدايى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى.

زاڭ جوباسىنىڭ نەگىزگى ماقساتى - مەملەكەتتىڭ قورعانىسقا جانە اسكەري قاۋىپسىزدىكتى قاماتاماسىز ەتۋگە دايىندىق جۇيەسىن جەتىلدىرۋ، قازاقستان رەسپۋبليكاسىنىڭ سوعىس جاعدايى سالاسىنداعى زاڭنامالىق اكتىلەرىن ىقتيمال اسكەري قاۋىپ- قاتەرلەرگە جانە اسكەري قاقتىعىستار سيپاتىنداعى وزگەرىستەرگە سايكەس كەلتىرۋ.

زاڭ جوباسى ەڭبەك كودەكسىنە، «قورعانىس جانە قارۋلى كۇشتەر تۋرالى»، «جۇمىلدىرۋ دايىندىعى تۋرالى»، «سوعىس جاعدايى تۋرالى» ءۇش زاڭعا تۇزەتۋ ەنگىزۋدى كوزدەيدى. «ونىڭ ماقساتى - مەملەكەتتىڭ سوعىس جاعدايى كەزەڭىندە جۇمىس ىستەۋى، سونىمەن قاتار بەيبىت ۋاقىتتا وعان دايىندالۋ ماسەلەسىن قۇقىقتىق رەتتەۋ. اسىرەسە «سوعىس جاعدايى تۋرالى» زاڭدا پرەزيدەنت وكىلەتتىگىن تولىقتىرۋ ۇسىنىلىپ وتىر. ول بەيبىت ۋاقىتتا ىسكە اسىرىلادى. بۇل سوعىس جاعدايى سالاسىن قولدانۋ ءتارتىبىن ايقىنداۋ، قارۋلى كۇشتەر جوعارعى باس قولباسشىلىعى ستاۆكاسى تۋرالى، قورعانىس كەڭەستەرى تۋرالى، سوعىس جاعدايى كەزەڭىندە ۇكىمەت قىزمەتىن ۇيىمداستىرۋ تۋرالى ەرەجەنى بەكىتۋ بولىپ وتىر»، - دەدى ق ر قورعانىس ءمينيسترىنىڭ ءبىرىنشى ورىنباسارى مۇرات بەكتانوۆ.

مۇنان بولەك ۇكىمەت قىزمەتى مىناداي وكىلەتتىكپەن تولىقتىرادى: بەيبىت ۋاقىتتا سوعىس جاعدايى كەزەڭىندەگى مينيسترلىكتەر تۋرالى ەرەجەنى بەكىتۋ، سوعىس جاعدايى كەزەڭىندە ۇكىمەت قۇرىلىمىنا كىرەتىن مەملەكەتتىك ورگاندى سوعىس ۋاقىتىنداعى شتاتقا كوشىرۋدى ۇيىمداستىرۋ، جەرگىلىكتى اتقارۋشى ورگانعا ازاماتتىق جانە اۋماقتىق قورعانىس سالاسىن قامتاماسىز ەتۋ مىندەتىن بەلگىلەۋ.

«سونىمەن قاتار سوعىس جاعدايى كەزەڭىندە جەرگىلىكتى اتقارۋشى ورگاننىڭ وكىلەتتىگىن كوزدەۋ، ولارعا «وبلىستىڭ، رەسپۋبليكالىق ماڭىزى بار قالانىڭ، استانانىڭ قورعانىس كەڭەسىن» قۇرۋعا وكىلەتتىك بەرۋ ۇسىنىلادى. بۇل رەتتە قورعانىس كەڭەستەرى اسكەري باسقارۋ ورگانى رەتىندە سوعىس جاعدايى سالاسىنىڭ ورىندالۋىن قامتاماسىز ەتەدى. ولار تەك سوعىس كەزەڭىنە قۇرىلادى. سوندىقتان قارۋلى كۇشتەر قۇرىلىمىنا كىرمەيدى»، - دەپ ناقتىلادى ۆەدومستۆو وكىلى.

مۇنىمەن قوسا «قورعانىس جانە قارۋلى كۇشتەر تۋرالى» زاڭعا قورعانىستى جوسپارلاۋ بويىنشا ءبىرقاتار تۇزەتۋ ەنگىزۋ ۇسىنىلدى. ولار جۇيەلى تۇردە، ياعني بارلىق باسقارۋ ۆەرتيكالى بويىنشا قارالدى. ءاربىر دەڭگەيگە ءتيىستى وكىلەتتىك پەن فۋنكتسيا ەنگىزىلەدى. «بىرىنشىدەن، پرەزيدەنت وكىلەتتىگىن قورعانىستى جوسپارلاۋ قاعيداسىن بەكىتۋمەن تولىقتىرۋ ۇسىنىلادى. وندا جوسپاردىڭ قۇجاتتار جيناعى، مەملەكەتتىك ورگاننىڭ قۇجاتتى ازىرلەۋ قۇزىرەتى كوزدەلگەن»، - دەدى مۇرات بەكتانوۆ.

www.24.kz



باستى سوزدەر: زاڭ جانە قۇقىق ,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات