+7 (701) 759 90 19
-3 °С : نۇر-سۇلتان
2 °С : الماتى
USD 378.60 EUR 417.75
RUB 6.13 CNY 54.58
جاڭالىقتار

انا ءسۇتىن ەشكى سۇتىمەن الماستىرۋعا بولا ما؟

16 قاڭتار 03:30
:ءبولىسۋ
انا ءسۇتىن ەشكى سۇتىمەن الماستىرۋعا بولا ما؟

نۇر-سۇلتان. قازاقپارات - جاڭا تۋعان نارەستەگە انا سۇتىنەن اسقان ازىق جوق ەكەنى بەلگىلى. الايدا اناسى بەلگىلى سەبەپتەرمەن بالاسىنا ومىراۋ ءسۇتىن بەرە الماسا شە؟ وعان بالاما رەتىندە ەشكى ءسۇتىن بەرگەن ابزال.

ەشكى ءسۇتىنىڭ ارقاسىندا نارەستە سالماقتى جاقسى قوسادى

ەشكى ءسۇتى بالاعا جاقسى سىڭەدى، اللەرگيا تۋعىزبايدى. ول ءۇشىن ىستىق ءسۇت پەن ىستىق سۋدى 1:5 قاتىناسىندا قوسىپ بەرۋ كەرەك. بۇل 1,5 جاسقا دەيىنگى بالالارعا ارنالعان مولشەر. جاسقا تولماعان بالالارعا ەشكى ءسۇتى نەگىزىندە جاسالعان قوسپا بەرگەن دۇرىس.

ەشكى سۇتىندە لاكتوزا از

قۇرامىندا ءسۇت قانتى از بولعاندىقتان، بالانىڭ ۇيقى بەزىندە دە پروبلەما بولمايدى. ەكى جاستان باستاپ ونى قايناعان سۋمەن 1:2 قاتىناسىندا بەرۋگە دە بولادى. ۇيدە ەشكى بولماسا، ءسۇتتى ءوزىڭىز تولىق سەنەتىن ادامنان عانا الۋ كەرەك، ال پىسىرگەننەن كەيىن مىندەتتى تۇردە كوبىگىن الىپ تاستاۋ قاجەت.

ءسۇت قۇرامىنداعى پايدالى تاۋرين امينقىشقىلى بالانىڭ يممۋنيتەتىن جاقسارتىپ، ءوسۋى مەن دامۋىنا كومەكتەسەدى. تۇماۋ بولسا، ينفەكتسيا تاراسا، ونىمەن جاقسى كۇرەسەدى. ەشكى ءسۇتىن ءىشىپ وسكەن بالانىڭ ءتىسى تەز شىعادى، ساۋ ءارى بەرىك بولادى. ويتكەنى بۇل ءسۇت ا، ۆ دارۋمەندەرىن، كالي مەن كالتسيدى جاقسى سىڭىرەدى. اعزاعا تەز سىڭەتىندىكتەن ەشكى ءسۇتىن ىشكەن بالا ءجيى قۇسپايدى. ەشكى ءسۇتىن دۇرىس بەرە بىلسەڭىز، ول ەشقانداي اللەرگياعا جول بەرمەيدى. دەرماتيت، دياتەز كەزىندە دە وسى ءسۇت كومەكتەسەدى.

قالاي بەرگەن دۇرىس؟

التى ايعا تولماعان بالا ومىراۋ ەمە الماسا، وعان قوسپا بەرگەن ابزال. التى ايدان اسقان بالاعا عانا ەشكى ءسۇتىن ءبىر شاي قاسىقتان بەرىپ باستاپ، اعزاسىن اقىرىن ۇيرەتكەن ءجون. ۋاقىت وتكەن سايىن از- ازدان مولشەرىن كوبەيتىپ وتىرىپ ءبىر جاسقا جەتكەندە 100 م ل دەيىن بەرۋگە بولادى، ءبىر جارىم جاسقا كەلگەندە بۇل كورسەتكىشتى 200 م ل- گە كوبەيتسەڭىز بولادى. ونى دا ىستىق سۋمەن 1:5 قاتىناسىندا قوسىپ بەرەسىز. ەكى جاستا 1:2 قاتىناسىندا 200-250 م ل، 3 جاسىندا 400 م ل سۇتكە دەيىن كوبەيتەسىز. بالا بوتقا جەۋگە ۇيرەنگەن كەزدە بوتقاعا قوساتىن مايدى ەشكى سۇتىمەن الماستىرساڭىز بولادى. بالاعا بەرەتىن ەشكى ءسۇتىن توڭازىتقىشتا نە مۇزداتقىشتا 24 ساعاتتان اسا ساقتاۋعا بولمايدى.

Massaget.kz



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات