+7 (701) 759 90 19
-16 °С : نۇر-سۇلتان
-4 °С : الماتى
USD 380.84 EUR 419.50
RUB 6.05 CNY 54.90
جاڭالىقتار

قۇلاعان زىمىران سىنىعى: رەسەيمەن پوليگونداردى پايدالانۋ كەلىسىمى وزگەرۋى مۇمكىن

15 قاڭتار 18:29
:ءبولىسۋ
قۇلاعان زىمىران سىنىعى: رەسەيمەن پوليگونداردى پايدالانۋ كەلىسىمى وزگەرۋى مۇمكىن

نۇر- سۇلتان. قازاقپارات – ق ر قورعانىس ءمينيسترىنىڭ ءبىرىنشى ورىنباسارى – ق ر ق ك باس شتابىنىڭ باستىعى مۇرات بەكتانوۆ اقتوبە وبلىسىندا زىمىران سىنىعىنىڭ قۇلاۋىنا بايلانىستى تۇسىنىك بەردى، دەپ حابارلايدى قازاقپارات ءتىلشىسى.

«بىزدە قازاقستان اۋماعىندا ر ف تاراپىنان پوليگونداردى پايدالانۋ بويىنشا 1995 -جىلعى كەلىسىم بار. كوميسسيا ءتيىستى جۇمىستاردى اتقاردى، شىنىمەن دە ول گەوفيزيكالىق زىمىران قالدىقتارى ەكەنى انىقتالدى. اتاپ ايتقاندا، كەلىسىم ءالى دە 1995 -جىلعى. سوندىقتان قازىرگى كەزدە قورعانىس مينيسترلىگى ءبىزدىڭ اۋماقتار مەن نىساندار قاۋىپسىزدىگىن قامتاماسىز ەتۋگە قاتىستى كەلىسىمگە وزگەرىستەر ەنگىزۋ بويىنشا ۇسىنىس بەرۋدە»، - دەدى م. بەكتانوۆ.

ونىڭ سوزىنە قاراعاندا، بۇگىندە كوميسسيا ءوز جۇمىسىن جالعاستىرىپ جاتىر.

«بۇل تۇرعىدا كوميسسيا ءتيىستى پىسىقتاۋ شارالارىن جۇرگىزىپ جاتىر. جۇمىستار اياقتالعاننان كەيىن اقپاراتتى جاريالايمىز»، - دەدى ۆەدومستۆو وكىلى.

سونىمەن قاتار م. بەكتانوۆ وسىنداي جاعدايلاردا وتەماقى بەرۋ تۋرالى ساۋالعا جاۋاپ بەردى.

«كەلىسىمگە سايكەس، وتەماقى قاراستىرىلعان، ياعني زاڭ بۇزۋشىلىق نەمەسە شىعىن بولسا. ءبىزدىڭ كوميسسيا بۇل باعىتتاعى جۇمىستاردى اتقارىپ جاتىر، وتەماقى تۋرالى كوميسسيادان كەيىن بەلگىلى بولادى. ونىڭ جۇمىسى تاعى 10 كۇندەي جالعاسۋى مۇمكىن»، - دەدى ول.

بۇدان بۇرىن حابارلانعانداي، 2020 -جىلعى 9 - قاڭتاردا قازاقستان مەن رەسەي اراسىنداعى 1995 -جىلعى مەملەكەتارالىق كەلىسىمگە سايكەس، ق ر اۋماعىنداعى پوليگوندى جالعا العان ر ف قورعانىس مينيسترلىگى سىناق ورتالىعىنىڭ جوسپارلى وقۋ- جاتتىعۋى كەزىندە ءبىر زىمىران سىنىعى بەلگىلەنگەن ورىنداردان تىس جەرگە قۇلادى. وسى ورايدا ق ر قورعانىس مينيسترلىگى تۇرعىندار ءۇشىن جاعداي قاۋىپتى ەمەستىگىن ناقتىلادى.

ايتا كەتەيىك، قازاقستاندىق- رەسەيلىك بىرلەسكەن كوميسسيانىڭ قازىرگى مالىمەتىنە سايكەس، اقتوبە وبلىسىندا تابىلعان زىمىران سىنىعى - اتموسفەرانىڭ جوعارعى قاباتىن زەرتتەۋگە باعىتتالعان گەوفيزيكالىق راكەتانىڭ قالدىعى بولىپ شىقتى.

اۆتور: رۋسلان عابباسوۆ



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات