تامىر- تانىس كومەگىمەن قىزمەتتە كوتەرىلۋگە جول بەرمەۋ كەرەك - پرەزيدەنت
«كورسەتكىشتەر ەسەبىندە مەملەكەتتىك ورگاندارداعى اۋىسپالىلىق تولىقتاي العاندا 6-10 پايىز نورماسى شەگىندە ەكەنىن كورسەتتى. ءبىراق مينيستر نەمەسە اكىم اۋىسقان كەزدە كادرلىق قۇرامنىڭ دا ايتارلىقتاي وزگەرەتىنى ايقىن. باسشى قىزمەتكەرلەردىڭ سانىنا قاتىستى نورماتيۆتەر جوق. مەريتوكراتيا پرينتسيپتەرى دە بارلىق ۋاقىتتا ساقتالا بەرمەيدى. ءالى كۇنگە دەيىن قامقورلىق جانە تانىس ارقىلى، ىقپالدى قامقورشىنىڭ كومەگىمەن قىزمەت ساتىسىندا ىلگەرىلەۋ جايتتارى بار»، - دەدى مەملەكەت باسشىسى.
ق ر پرەزيدەنتى مۇنداي جايتتاردى قوعام تالقىسىنا شىعارۋ قاجەتتىگىن باسا ايتتى.
«بۇعان جول بەرۋگە بولمايدى. مۇنداي جۇيەنى قوعامدىق پىكىر ارقىلى دا سىني ساراپتاماعا ۇشىراتۋ قاجەت. باسقاشا مۇمكىن ەمەس. ويتكەنى ەڭ باستىسى - ناتيجە. قازاقستان قارقىندى دامىپ، العا قاراي ىلگەرىلەۋى ءتيىس»، - دەدى قاسىم- جومارت توقايەۆ.
اۆتور مارلان جيەمباي