قازاقستان ءۇشىن ماڭىزدى ءارى جاۋاپتى ءسات كەلدى - پرەزيدەنت
«دانا حالقىمىزدا «قاتارىڭنىڭ الدى بول» دەگەن باتالى ءسوز بار. بۇل يگى تىلەك جاستارعا ەرەكشە رۋح بەرىپ، جىگەرلەندىرۋ ءۇشىن ايتىلادى. سىزدەر ىرىكتەۋ كەزەڭىنەن سۇرىنبەي ءوتىپ، شىن مانىندە ءوز قاتارلارىڭىزدان وزا بىلدىڭىزدەر. ءبىراق مۇنى، ەڭ الدىمەن، مەملەكەتتىڭ وزدەرىڭىزگە دەگەن زور سەنىمى دەپ قابىلداۋ قاجەت» ، - دەدى مەملەكەت باسشىسى.
قازاقستان پرەزيدەنتى كادرلىق رەزەرۆكە ءوتۋ دەگەنىمىز جوعارى لاۋازىمدى قىزمەتكە ورنالاسۋ عانا ەمەستىگىن، بۇل - ۇلت ءۇشىن، ەل ءۇشىن، حالىق ءۇشىن ايانباي تەر توگۋ دەگەن ءسوز ەكەنىن باسا ايتتى.
«ءار زاماندا كەز كەلگەن حالىقتىڭ ءبىلىمدى جانە بىلىكتى ازاماتتارىنىڭ ورتاق مۇددەگە توپتاساتىن كەزەڭى بولادى. وسىلايشا ۇلتتى بيىككە جەتەلەيتىن، جاڭاشا دامۋعا باستايتىن شوعىر قالىپتاسادى. جاڭا قازاقستان ءۇشىن دە وسىنداي ماڭىزدى ءارى جاۋاپتى ءسات كەلدى دەپ سانايمىن. سوندىقتان سىزدەرگە ۇلكەن جاۋاپكەرشىلىك جۇكتەلەدى» ، - دەدى قاسىم- جومارت توقايەۆ.