قوعام وكىلدەرى بيلىكتىڭ ءىس-ارەكەتىمەن كەلىسپەگەن جاعدايدا پىكىرىن ەركىن ايتا الۋى ءتيىس - توقايەۆ
بۇل تۋرالى اقوردادا پرەزيدەنتتىك كادر رەزەرۆىنە كىرگەن جاستارمەن كەزدەسۋدە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«وزدەرىڭىزگە ءمالىم، مەن سايلاۋ بارىسىندا «حالىق ۇنىنە قۇلاق اساتىن مەملەكەت» تۇجىرىمداماسىن ۇسىندىم. ول باستى ءۇش قاعيداعا نەگىزدەلگەن. ءبىرىنشىسى - اشىقتىق جانە جاريالىلىق. سونىڭ اياسىندا مەملەكەتتىك ورگاندارداعى جۇمىستىڭ اشىقتىعىن قامتاماسىز ەتۋ مىندەتى تۇر. ءبىزدىڭ ءاربىر قادامىمىز بەن ءاربىر شەشىمىمىز ازاماتتارعا تۇسىنىكتى بولۋى ءتيىس»، - دەدى مەملەكەت باسشىسى.
پرەزيدەنت «اقپاراتقا قول جەتكىزۋ تۋرالى» زاڭنىڭ نورمالارى ساپالى ورىندالۋى كەرەكتىگىن دە باسا ايتتى.
«شەشىم قابىلداۋ كەزىندە بارلىق تالاپتار ساقتالۋى ءتيىس. شىن مانىندەگى ادىلدىك قاعيداسىن وسىلاي ىسكە اسىرۋعا بولادى. سىبايلاس جەمقورلىققا بارىنشا قارسى تۇرۋ - نەگىزگى ماقساتتىڭ ءبىرى. قوعام وكىلدەرىنىڭ بيلىكتىڭ ءىس-ارەكەتىمەن كەلىسپەگەن جاعدايدا پىكىرىن ەركىن ايتۋعا مۇمكىندىگى بولۋى قاجەت»، - دەدى قاسىم-جومارت توقايەۆ.