+7 (701) 759 90 19
-4 °С : نۇر-سۇلتان
-12 °С : الماتى
USD 376.51 EUR 418.91
RUB 6.13 CNY 54.90
جاڭالىقتار

ەلدىك مۇددەگە قاتىستى ءاربىر ىسىمىزدە اباي ەڭبەكتەرىنە جۇگىنۋىمىز كەرەك - پرەزيدەنت

15 قاڭتار 14:12
:ءبولىسۋ
ەلدىك مۇددەگە قاتىستى ءاربىر ىسىمىزدە اباي ەڭبەكتەرىنە جۇگىنۋىمىز كەرەك - پرەزيدەنت

نۇر-سۇلتان. قازاقپارات - ءبىز ەلدى، ۇلتتى ابايشا ءسۇيۋدى ۇيرەنۋىمىز كەرەك.

بۇل تۋرالى اقوردادا پرەزيدەنتتىڭ كادر رەزەرۆىنە كىرگەن جاستارمەن كەزدەسۋدە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«تۇسىنە بىلگەن ادامعا تۋعان جەر، وتان، ەگەمەن ەل ۇعىمدارىنىڭ ورنى بولەك. وتانعا دەگەن سۇيىسپەنشىلىكتىڭ وزىق ۇلگىسىن ۇلى اباي كورسەتتى. بيىل عۇلاما ويشىلدىڭ تۋعانىنا 175 جىل تولادى. ول ەلىمىزدىڭ تاريحىندا جانە الەم تاريحىندا وشپەس ءىز قالدىردى. ونىڭ عيبراتتى عۇمىرى مەن مول مۇراسى - بۇكىل حالقىمىزعا ۇلگى- ونەگە. ابايدىڭ وسيەتى - وسكەلەڭ ۇرپاقتىڭ اينىماس تەمىرقازىعى. ءبىز ەلدى، ۇلتتى ابايشا ءسۇيۋدى ۇيرەنۋىمىز كەرەك. ۇلى اقىن ۇلتىنىڭ كەمشىلىگىن قاتتى سىناسا دا تەك ءبىر عانا ويدى - قازاعىن، حالقىن تورگە جەتەلەۋدى ماقسات تۇتتى. ۇلى ويشىل جاستارىمىزدى ءبىلىم مەن عىلىم يگەرۋگە، ونەر مەن ءتىل ۇيرەنۋگە، ادال ەڭبەك ەتۋگە شاقىردى»، - دەدى قازاقستان پرەزيدەنتى.

مەملەكەت باسشىسى ابايدىڭ «تولىق ادام» تۇجىرىمى ءومىرىمىزدىڭ كەز كەلگەن سالاسىندا، مەملەكەتتى باسقارۋ مەن ءبىلىم جۇيەسىندە، بيزنەس پەن وتباسى ينستيتۋتتارىندا نەگىزگى تۇعىرعا اينالۋى كەرەكتىگىن باسا ايتتى.

«مۇنىڭ ءبارى ينتەللەكتۋالدى ۇلت قالىپتاستىرۋ ءۇشىن قاجەت. ابايدى ءوز زامانىنداعى ىسكەرلىكتىڭ ۇيىتقىسى دەۋگە بولادى. ءبىز ەلدىك مۇددەگە قاتىستى ءاربىر ىسىمىزدە ۇلى اقىننىڭ ەڭبەكتەرىنە جۇگىنۋىمىز كەرەك. بۇل - جاڭعىرۋ جولىنداعى اسا ماڭىزدى قادام. حالقىمىز، اسىرەسە جاس بۋىن ابايدىڭ سارا جولىن جالعاۋعا باسا ءمان بەرۋى ءتيىس. مەن «اباي جانە ХХІ عاسىرداعى قازاقستان» اتتى ماقالامدا وسى ماسەلەلەرگە ەرەكشە نازار اۋداردىم. ءبىز ەلدىك پەن ەگەمەندىكتىڭ ءقادىرىن باعالاي ءبىلۋىمىز كەرەك. جاستار ءاردايىم ۇلتتىق قۇندىلىقتاردى كوزدىڭ قاراشىعىنداي ساقتاپ، دارىپتەي ءبىلۋى ءتيىس. بۇل - وزدەرىڭىزگە جۇكتەلگەن مارتەبەلى ميسسيا دەپ بىلىڭىزدەر»، - دەدى قاسىم-جومارت توقايەۆ.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات