+7 (701) 759 90 19
-4 °С : نۇر-سۇلتان
-12 °С : الماتى
USD 376.51 EUR 418.91
RUB 6.13 CNY 54.90
جاڭالىقتار

پرەزيدەنتتىڭ كادر رەزەرۆى جاس بۋىننىڭ جاۋاپتى قىزمەتكە كەلۋى ءۇشىن جاسالدى - توقايەۆ

15 قاڭتار 12:45
:ءبولىسۋ
پرەزيدەنتتىڭ كادر رەزەرۆى جاس بۋىننىڭ جاۋاپتى قىزمەتكە كەلۋى ءۇشىن جاسالدى - توقايەۆ

نۇر-سۇلتان. قازاقپارات - پرەزيدەنتتىڭ كادر رەزەرۆى جاس بۋىن وكىلدەرىنىڭ جاۋاپتى قىزمەتكە كەلۋى ءۇشىن جاسالىپ وتىرعان يگى باستاما.

بۇل تۋرالى اقوردادا پرەزيدەنتتىك كادر رەزەرۆكە كىرگەن جاستارمەن كەزدەسۋ بارىسىندا مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«بۇگىنگى كەزدەسۋىمىزدىڭ ءمان- ماڭىزى ەرەكشە.

قازاقتا «جۇزدەن جۇيرىك، مىڭنان تۇلپار» دەگەن جاقسى ءسوز بار. سىزدەر پرەزيدەنتتىك جاستار كادر رەزەرۆىنە ءوتۋ ءۇشىن ارنايى بايگەدە باق سىناپ، العا شىقتىڭىزدار. ءبارىڭىزدى شىن جۇرەكتەن قۇتتىقتايمىن! وزدەرىڭىزگە بەلگىلى، كادرلىق رەزەرۆ جاساقتاۋ ءۇشىن اۋقىمدى جۇمىس اتقارىلدى. بۇل جوباعا بۇكىل ەلىمىز بويىنشا 13 مىڭ ادام قاتىستى. سونىڭ ىشىنەن 300 ازاماتتى ىرىكتەپ الدىق. ناۋقانعا قاتىسقان بارلىق قىزمەتكەرگە ريزاشىلىعىمدى ءبىلدىرىپ، ولار نازارىمىزدا قالادى دەپ ايتقىم كەلەدى»، - دەدى كەزدەسۋدى اشقان مەملەكەت باسشىسى.

ق ر پرەزيدەنتى ەل باسقارۋ ىسىنە ارالاساتىن تاڭداۋلى جاستاردىڭ قاتارىنا قوسىلۋ زور مارتەبە ەكەندىگىن باسا ايتتى.

«وزدەرىڭىز سياقتى وزىق ويلى، باسەكەگە قابىلەتتى ماماندار ەلىمىزگە وتە قاجەت. جالپى، بۇل - جاس بۋىن وكىلدەرىنىڭ جاۋاپتى قىزمەتكە كەلۋى ءۇشىن جاسالىپ وتىرعان يگى باستاما. وسى رەتتە وزدەرىڭىز سياقتى ءبىلىمدى ءارى تالاپتى ازاماتتارعا ۇلكەن ءۇمىت ارتامىز. سىزدەر جاڭا قازاقستاننىڭ دامۋىنا ايانباي ۇلەس قوساسىزدار دەپ سەنەمىن. ەلىمىزدىڭ الدىندا بيىك ماقساتتار تۇر. ەڭ الدىمەن مەملەكەتىمىزدى ودان ارى وركەندەتىپ، تاۋەلسىزدىگىمىزدى نىعايتۋعا ءتيىسپىز. سونداي-اق، ازاماتتاردىڭ ءال- اۋقاتىن ارتتىرىپ، تۇرمىس ساپاسىن جاقسارتۋىمىز كەرەك»، - دەدى قاسىم-جومارت توقايەۆ.

مەملەكەت باسشىسى بيلىك پەن حالىق اراسىنداعى ءوزارا سەنىمدى كۇشەيتۋ ماڭىزدى مىندەت ەكەندىگىن اتاپ ءوتتى.

«وسىعان وراي «حالىق ۇنىنە قۇلاق اساتىن مەملەكەت» تۇجىرىمداماسى قولعا الىندى. مەملەكەتتى باسقارۋ جۇيەسىن جاڭعىرتۋ ماقساتىمەن اۋقىمدى رەفورمالار جۇزەگە اسىرىلۋدا. مۇنىڭ ءبارى جاڭا كەزەڭگە قادام باسقان قازاقستاننىڭ يگىلىگى ءۇشىن جاسالىپ وتىر»، - دەدى پرەزيدەنت.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات