قاسىم-جومارت توقايەۆ كادر رەزەرۆىنە ەنگەن جاستاردىڭ كەڭەسىنە قۇلاق اسپاق

None
None
نۇر-سۇلتان. قازاقپارات - پرەزيدەنتتىڭ كادر رەزەرۆىنىڭ جاستار اراسىندا كەڭ قولداۋ تاپقانى قۋانتادى.

بۇل تۋرالى اقوردادا كادر رەزەرۆىنە ەنگەن جاستارمەن كەزدەسۋ بارىسىندا مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

«پرەزيدەنتتىڭ كادر رەزەرۆىن قۇرۋ باستاماسى - مەنىڭ سايلاۋالدى باعدارلامامنىڭ نەگىزگى تارماقتارىنىڭ ءبىرى بولعانىن بىلەسىزدەر. ونىڭ جاس قازاقستاندىقتار اراسىندا كەڭ قولداۋ تاپقانىنا قۋانىشتىمىن. ءبىلىمدى، ەڭبەكقور، وتانشىل جاستار ەلىمىزدىڭ تۇراقتى دامۋى مەن پروگرەسىنىڭ باستى قوزعاۋشى كۇشى سانالادى»، - دەدى قازاقستان پرەزيدەنتى.

مەملەكەت باسشىسىنىڭ اتاپ وتۋىنشە، رەزەرۆكە الىنعان ءاربىر جاس وزدەرىنىڭ كاسىبي قۇزىرەتىنىڭ دەڭگەيى جوعارى ەكەنىن كورسەتىپ، مەملەكەتتىڭ يگىلىگىنە جۇمىس ىستەۋگە شىنايى ۇمتىلاتىنىن دالەلدەپ بەردى.

«سوندىقتان بارلىعىڭىزدى جەكە كەزدەسىپ، ەلىمىز ءۇشىن وزەكتى ماسەلەلەرگە قاتىستى پىكىرلەرىڭىزدى ءبىلۋ جانە كادر رەزەرۆىنە قاتىسۋشىلاردىڭ الدىندا تۇرعان مىندەتتەرگە قاتىستى ءوز پىكىرىمدى ءبىلدىرۋ ءۇشىن شاقىردىم. بۇگىن ساپالى پىكىر الماسۋ بولاتىنىنا ءۇمىت ارتامىن»، - دەدى قاسىم-جومارت توقايەۆ.

سوڭعى جاڭالىقتار