+7 (701) 759 90 19
-15 °С : نۇر-سۇلتان
-4 °С : الماتى
USD 380.19 EUR 419.01
RUB 6.08 CNY 54.81
جاڭالىقتار

بالاڭىزعا ايتۋعا بولمايتىن ون ءسوزدى بىلەسىز بە؟

15 قاڭتار 12:57
:ءبولىسۋ
بالاڭىزعا ايتۋعا بولمايتىن ون ءسوزدى بىلەسىز بە؟

نۇر-سۇلتان. قازاقپارات – پسيحولوگتار بالانىڭ جاسىنا قاراماستان، اۋىر تيەتىن سوزدەر ءتىزىمىن جاريالادى.

ءتىپتى ءتىلى شىقپاعان بالانىڭ ءوزى اتا-اناسىنىڭ جەتكىزۋ مانەرىنە قاراي ونىڭ ماعىناسىن تۇسىنەدى دەپ حابارلايدى muslim.kz.

1. سەنىڭ قولىڭنان تۇك كەلمەيدى - اكەل، ءوزىم جاسايمىن!

مامانداردىڭ ايتۋىنشا، بۇل ءسوز بالانى الدىن الا ساتسىزدىككە بايلايدى. ول ءوزىن اقىلسىز جانە يكەمسىز سەزىنەدى. سونداي-اق، «الداعى ۋاقىتتا ۇلكەندەر تاعى ۇرسادى» دەپ جاڭا باستاما الۋدان قورقادى.

2. ۇستا، تەك تىنىشتالشى!

كەيبىر اتا-انا بىرنەشە ساعاتتىق «بەرشى، الىپ بەرشى» دەگەن قىڭقىلداۋدى كوتەرە المايدى. الايدا سوڭىندا بالانىڭ سۇراعانىن بەرۋگە كەلىسكەندە، اتا-انا وزدەرى بايقاماستان، بالانى قىڭقىلداۋمەن سۇراعانىنا قول جەتكىزۋگە، ال ماماسىنىڭ «جوعىنا» ءمان بەرمەۋگە جامان ۇيرەتەدى.

3. تاعى دا مۇندايدى بايقاسام - تاياق جەيسىڭ!

قالىپتاسقان ادەتكەن سايكەس، بارلىعى وسى قۇر قوقان-لوققىمەن شەكتەلەدى. نە اكەسى، نە اناسى جازانى جۇزەگە اسىرمايدى، ال بالا بوسقا قورقاق بولىپ وسەدى. مۇنداي سوزدەر بالانى رەنجىتىپ، تۇسىنىسپەۋشىلىك تۋعىزۋ ابدەن مۇمكىن. ءوز نارەستەڭىزدى قورقىتپاڭىز. بالا بەلگىلى جاعدايدا نەنى كۇتۋگە بولاتىنىن انىق ءبىلۋ قاجەت. ال ۇلكەندەردىڭ كەنەتتەن كەيۋى ەش ناتيجە بەرمەيتىنى ءسوزسىز.

4. مەن ساعان دەرەۋ دوعار دەدىم!

بالامەن بۇلاي دورەكى سويلەسۋگە بولمايدى! ەگەر ابايسىزدا اشۋىڭىزدى كورسەتسەڭىز، كەشىرىم سۇراڭىز. بالا ءوزىن ەش قۇقىقسىز سەزىنىپ، رەنجيدى. سوندىقتان «دوعارۋدىڭ» ورنىنا قارسى شىعىپ، كىشكەنتايلارى جىلاپ، جاس وسپىرىمدەرى ءۇنسىز ءوز جايىنا كەتىپ، تۇيىقتالىپ قالادى. قىسقاسى، قالاي بولعاندا دا، بۇل ءسوز قالاۋىڭىزعا جەتكىزبەيدى.

5. سەن مىنانى تۇسىنۋگە ءتيىسسىڭ!

كوپتەگەن بالا بۇل ءسوز بەن ونىڭ قىڭقىلداق جالعاسىنا كەرتارتپالىق كورسەتەدى. بالا مۇنداي اقىل ايتۋدى تۇسىنبەيدى، سول سەبەپتى ءسىزدى تىڭداماي، ويىن باسقاعا اۋىستىرادى. ال، بالا سول ساتتە بەيمازا، رەنجۋلى نە اشۋلى بولسا، ءسىزدىڭ سوزدەرىڭىز ءتىپتى قابىلدانبايدى. ونىڭ دا ادام ەكەنىن، بەلگىلى ءبىر ۋايىمى، ويلاپ جۇرگەن ءوز ماسەلەلەرى بار ەكەنىن ۇمىتپاڭىز، سوندىقتان ءسىزدىڭ ەڭ دۇرىس دەگەن اقىلىڭىزدى دا ول سول ساتتە تۇسىنە المايدى.

6. بالالار (قىزدار) بۇلاي جاسامايدى!

مۇندايدى ءجيى قايتالايتىن اتا-انا بالادا بەلگىلى ءبىر ستەرەوتيپ قالىپتاستىرادى. كەيىن ەرەسەك ومىرىندە ەسەيگەن جىگىت ءوز سەزىمىن، ءىس-ارەكەتىن لايىقسىز دەپ ويلايدى، ال قىزدار ءوزىن «ەرلەرگە ارنالعان» كاسىپپەن اينالىسامىن نە «ۇقىپسىزبىن» دەپ، ۇنەمى ءبىر نارسەگە كوڭىلى تولماي، كىنالايدى.

7. بەكەرگە ۋايىم-قايعىعا سالىنبا!

مۇمكىن بالاڭىز ءۇشىن بۇل بەكەر نارسە ەمەس شىعار! ءوزىڭىزدىڭ بالالىق شاعىڭىزدى ەسىڭىزگە ءتۇسىرىڭىز! ءيا، بالاڭىز ماشيناسىز قالعانى ءۇشىن نە شارشىلاردان جاسالعان ۇيشىگى بۇزىلعانى ءۇشىن اشۋلانىپ، رەنجۋى مۇمكىن. ونىڭ كىشكەنتاي الەمىندە ءدال ماشينا مەن ۇيشىك ەڭ ماڭىزدى نارسە بولار! بالانىڭ ماسەلەلەرىنە نەمقۇرايلىلىق كورسەتە وتىرىپ، ءسىز ونىڭ سەنىمىن جوعالتىپ الا الاسىز جانە بولاشاقتا ءوز بالاڭىزدىڭ كۇردەلى ماسەلەلەرى تۋرالى بىلمەي قالۋىڭىز مۇمكىن.

8. مەنىڭ دەنساۋلىعىمدى ويلاشى!

انالار بۇل ءسوزدى بالالارىنا ءجيى ايتادى. الايدا، ايتىلا بەرگەن ءسوزدىڭ قادىرى كەتىپ، شىنىندا جاعدايىڭىز ناشارلاسا، بالا ءسىزدىڭ ءسوزىڭىزدى «جۇرەكپەن» قابىلداي الماۋى ىقتيمال. ول اناسىنىڭ بۇل ءسوزىن تەك ونىڭ تەنتەك بولماۋى ءۇشىن ايتىپ وتىر دەپ ويلايدى.

9. جوق، ءبىز مۇنى ساتىپ المايمىز - اقشا جوق (قىمبات)!

بالاعا ءبارىن قاتار ساتىپ الۋعا بولمايتىنىن ءتۇسىندىرۋ قيىن. ءبىراق ءسىزدىڭ مۇنداي سوزىڭىزدەن ەگەر اتا-اناسىندا اقشا بولسا، دۇكەندى تولىعىمەن ساتىپ الۋعا بولادى دەگەن ماعىنا شىعادى! بالا بۇل ءسوزدى ءدال سولاي تۇسىنەدى. ودان دا «مۇنداي ويىنشىق سەندە بار»، «كوپ ءتاتتى جەگەن زيان» دەۋ جاقسىراق شىعار. ءيا، ءتۇسىندىرۋ ءارقاشان قيىن! ءبىراق بالا اتا-اناسىنىڭ نەلىكتەن مۇنى ساتىپ الىپ بەرمەيتىنىن ءتۇسىنۋ كەرەك.

10. جۇرتتىڭ بالاسى!

قۇداي مەنى نە سەبەپتى سونشالىقتى جازعىردى ەكەن، سالاق، ىنجىق، ءيتتىڭ بالاسى، وڭباعان جانە ت. ب. مۇنداي بەلگىلەردى بالالارعا تاعۋعا بولمايدى! بۇل بالانىڭ ءوزىن باعالاۋىن ءتۇسىرىپ، راسىمەن سول اتاۋلارعا سايكەستەنە باستايدى.



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات