10:59, 15 - قاڭتار 2020 | GMT +6
كيىلگەن كيىمدى نەلىكتەن بوتەن ادامعا بەرۋگە بولمايتىنىن بىلەسىز بە؟
نۇر-سۇلتان. قازاقپارات – بۇگىنگى تاڭدا قايىرىمدىلىقپەن اينالىسۋ بەلەڭ الىپ كەلەدى. كوپتەگەن ادام مۇقتاج جاندارعا كومەكتەسۋ ماقساتىندا ەسكى كيىمدەرىن تاراتۋعا بەيىم تۇرادى.
الايدا بۇل ءىس-ارەكەت ءاردايىم دۇرىس بولا بەرمەيدى دەپ حابارلايدى Korrespondent.kz باسىلىمى.
ءبىزدىڭ اتا-بابالارىمىز ەشقاشان ءوزىنىڭ كيىمىن بوتەن بىرەۋگە سىيعا تارتقان ەمەس. مۇنىڭ دا ءوز سەبەبى بار.
ماسەلەن، ادام ءبىر كيىمدى بىرنەشە جىل كيگەن كەزدە، كيىم مەن ونىڭ اراسىندا ەنەرگەتيكالىق بايلانىس تۋىندايدى. ال كيىلگەن كيىم بوتەن بىرەۋدىڭ يەلىگىنە وتسە، ەنەرگەتيكا سول ادام مەن كيىمنىڭ بۇرىنعى يەسىنىڭ اراسىندا پايدا بولادى.
ارينە، ول ءار كەز جاماندىققا اكەپ سوقپايدى. كەيدە وسىلايشا ادام كوپتەگەن كۇتكەن ساتتىلىككە يە بولۋى مۇمكىن. دەسە دە كەيبىر كەزدە ادام كيىمىن باسقا بىرەۋگە بەرگەندە ءوزىنىڭ جولى بولماي، ومىرىندە قارا جولاق پايدا بولادى.