+7 (701) 759 90 19
-3 °С : نۇر-سۇلتان
2 °С : الماتى
USD 378.60 EUR 417.75
RUB 6.13 CNY 54.58
جاڭالىقتار

ا ق ش- تىڭ يراكتاعى اسكەري بازاسىنا تاعى شابۋىل جاسالدى

15 قاڭتار 10:27
:ءبولىسۋ
ا ق ش- تىڭ يراكتاعى اسكەري بازاسىنا تاعى شابۋىل جاسالدى

نۇر-سۇلتان. قازاقپارات – ا ق ش- تىڭ باعداتقا جاقىن ورنالاسقان اسكەري بازاسىنا شابۋىل جاسالدى. زىمىرانمەن اتقىلاۋ 14- قاڭتاردا بولعان دەپ حابارلايدى KAZ. NUR. KZ.

Mirror باسىلىمىنىڭ جازۋىنشا، تادجي بازاسىنا رەاكتيۆتى ارتيللەريادان شابۋىل جاسالعان. ول يراك استاناسىنان سولتۇستىككە قاراي 30 شاقىرىم جەردە ورنالاسقان.

Көрнекі фото: pixabay.com

ر ي ا نوۆوستي بەرگەن اقپاراتقا سايكەس، شابۋىل كەزىندە اسكەري قىزمەتكەرلەر جاراقاتتانباعان. وڭىردەگى اسكەري كۇشتەر كواليتسياسىنىڭ وكىلى مايلز كەگگينس وسىنداي مالىمدەمە جاساعان.

سونداي-اق، امەريكالىق بازاعا ءبىر دۇركىن وت جۇيەسىمەن وق اتقىلانعانى حابارلانعان.

ايتا كەتۋ كەرەك، اسكەري بازا كواليتسياسىنا جاسالعان جاڭا شابۋىلدى ازىرگە ەشكىم ءوز موينىنا العان جوق.

ەسكە سالا كەتسەك، قاڭتاردىڭ 7 نەن 8 نە قاراعان ءتۇنى يراك اۋماعىنداعى ا ق ش- تىڭ اسكەري بازالارىنا شابۋىل جاسالعان ەدى. ول كەزدە اتىستى يراندىق اسكەريلەر گەنەرال سۋلەيمانيدىڭ ءولىمى ءۇشىن، كەك رەتىندە ۇيىمداستىرعان.

«كۋدس» كوشباسشىسى باعداتتى بومبالاۋ كەزىندە 3- قاڭتاردا قازا تاپقان.

8- قاڭتاردا اسكەري بازاعا شابۋىلدان كەيىن تاڭەرتەڭ يمام حومەيني اتىنداعى تەگەران حالىقارالىق اۋەجايىنان ۇشىپ شىققان ۋكراينالىق Boeing 737 لاينەرى اۋەگە كوتەرىلگەننەن كەيىن ەكى مينۋتتان سوڭ اپاتقا ۇشىرادى.

اۋە كەمەسىنىڭ بورتىندا بولعانداردىڭ بارلىعى قازا تاپتى.

يراننىڭ اۋە قورعانىس كۇشتەرى 11- قاڭتار كۇنى ۋكراينانىڭ Boeing 737 ۇشاعىن قاتەلەسىپ اتىپ تۇسىرگەنىن مالىمدەگەن ەدى.

يران قارۋلى كۇشتەرى باس شتابىنىڭ مالىمەتىنشە، بۇعان «ادامنىڭ قاتەلىگى» سەبەپ بولعان. اۋە كەمەسى ماڭىزدى اسكەري نىساننىڭ قاسىنان ۇشىپ، ونى بايقاۋسىزدا جاۋدىڭ ۇشاعى دەپ قابىلداعان.

سونداي-اق، كۇنى كەشە يراندا ۋكراينالىق ۇشاق اپاتىنا بايلانىستى بىرنەشە ادام تۇتقىندالعانى حابارلاندى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات