تارازدا تۇرمەگە جولدانعان كىر سابىنداردىڭ ىشىنەن التى ۇيالى تەلەفون شىقتى

تاراز. قازاقپارات - تارازداعى ج د-158/7 مەكەمەسىندە توسىن ءجايت ورىن الدى. ءجىتى تەكسەرىس اياسىندا كۇندەلىكتى تۇرمىستا تۇتىناتىن كىر سابىن ىشىنەن 6 بىردەي ۇيالى تەلەفون مەن قۋاتتاعىش سىمدار تابىلدى، دەپ حابارلايدى قازاقپارات.

قۋلىققا بارعاندار ءاربىر سابىندى جەكە-جەكە ەرىتىپ، اراسىنا تەلەفوندى تىعىپ، قايتا قالپىنا اينىتپاي كەلتىرگەن. تىپتەن ءبىر قاراعاندا اڭعارۋ قيىنعا سوعادى. دەگەنمەن ساقشى قىراعىلىعىنىڭ ارقاسىندا تىيىم سالىنعان زاتتار تەمىر توردىڭ ار جاعىنا جەتە قويمادى.

اتالعان تۇزەۋ مەكەمەسى قىزمەتكەرلەرىنىڭ ايتۋىنشا، تاركىلەنگەن 6 بىردەي موبيلدىك قۇرالدىڭ تورتەۋى «NOKIA» جانە ەكەۋى «L8STAR» ماركالى. سوڭعى ەكەۋى تىپتەن شاعىن كولەمدى، سوعان قاراماستان بەينە، فوتو ءتۇسىرۋ، اۋديو جازۋعا قاۋقارلى. قوراپ سىرتىندا امالىن اسىرۋعا ارەكەتتەنگەن جولداۋشىنىڭ ۇيالى تەلەفونى ءنومىرى دە كورسەتىلىپتى.

قازىرگى تاڭدا اتالعان جايتقا قاتىستى ق ر اكىمشىلىك قۇقىق بۇزۋشىلىق تۋرالى كودەكسىنىڭ 481-بابىنا سايكەس ءىس سوتقا جولدانۋ باعىتىندا قۇجاتتار راسىمدەلۋدە.