شەشەن حالقىنىڭ ناقىل سوزدەرى
اكەنىڭ ساقالىنا جارماسپا، ۇستادىڭ ەكەن، ايىرىلما.
شەشەن حالقىندا باسقا ۇلتتار سەكىلدى ۇلكەندەرگە قۇرمەت كورسەتۋدى بارىنەن ماڭىزدى سانايدى. ال ەگەر بالا اكەدەن وزا تۋدىم دەپ اقىلى مەن كۇشىن كورسەتكىسى كەلىپ تىراشتانسا، توقتاماي سوڭىنا دەيىن دالەلدەۋدى تالاپ ەتەدى.
قالعانى - التىن، كەتكەنى - كۇمىس
بۇل ءسوزدى ليەۆ تولستويدىڭ مىنا سوزىمەن تۇسىنىكتىرەك ەتۋگە بولادى: «وزىمە ۇنايتىننىڭ بارلىعىن يەمدەنە المادىم، ءبىراق قولدا بارىمنىڭ ءبارىن جاقسى كورەمىن» . سىزگە بۇيىرماعان باققا نالۋدىڭ قاجەتى شامالى. تاعدىر بەرگەنگە ءتاۋبا ەتە ءبىلۋ كەرەك.
جاقسى اتتى قامشىمەن تارتىپ جىبەرسەڭ، سول ءبىر جىلعا جەتەدى
اقىلدى ادام ءبىر- اق رەت ايتقاندى ۇعىپ الادى، ال اقىماققا مىڭ رەت ايتساڭ دا قۇلاعىنا ىلمەيدى.
كولدىڭ ءتۇبى سالقىن بولماسا، بەتى قاتپايدى
ءبىر قاراعاندا ءتۇرى سۋىق سەكىلدى كورىنگەنىمەن، جۇرەگىندە جىلۋى، مەيىرىمى بار ادام تۋرالى وسىلاي ايتۋعا بولادى.
Massaget.kz