+7 (701) 759 90 19
-3 °С : نۇر-سۇلتان
2 °С : الماتى
USD 378.60 EUR 417.75
RUB 6.13 CNY 54.58
جاڭالىقتار

رەسپۋبليكالىق«جۇرەگىمنىڭ تۇبىنە تەرەڭ بويلا.. .» اتتى اباي ءمۇشايراسى وتەدى

14 قاڭتار 20:05
:ءبولىسۋ
رەسپۋبليكالىق«جۇرەگىمنىڭ تۇبىنە تەرەڭ بويلا.. .» اتتى اباي ءمۇشايراسى وتەدى

نۇر-سۇلتان. قازاقپارات - بيىل قازاقتىڭ ۇلى اقىنى، قازاق جازبا ادەبيەتىنىڭ نەگىزىن قالاۋشى، فيلوسوف، كومپوزيتور اباي قۇنانباي ۇلىنىڭ 175 جىلدىق مەرەيتويى.

جاقىندا عانا پرەزيدەنت قاسىم- جومارت توقايەۆ «اباي جانە XXI عاسىرداعى قازاقستان» اتتى ماقالاسىندا: «ابايدى قالاي دارىپتەسەك تە جاراسادى. ونىڭ عيبراتتى عۇمىرى مەن شىنايى شىعارماشىلىعى - قازاق حالقىنا عانا ەمەس، جاھان جۇرتىنا دا ۇلگى- ونەگە. ابايدىڭ ادام مەن قوعام، ءبىلىم مەن عىلىم، ءدىن مەن ءداستۇر، تابيعات پەن قورشاعان ورتا، مەملەكەت پەن بيلىك، ءتىل مەن قارىم- قاتىناس تۋرالى ايتقان وي- تۇجىرىمدارى عاسىرلار وتسە دە ماڭىزىن جوعالتپايدى. ويتكەنى اقىننىڭ مۇراسى - بۇكىل ادامزات بالاسىنىڭ رۋحاني ازىعى»، دەگەن بولاتىن. اباي - ادامزات رۋحانيات كوگىندە جارقىراعان ەرەكشە جارىق جۇلدىز. ابايدىڭ وشپەس جىرلارى مەن عاجايىپ اندەرى، ابايدىڭ ءىلىمى، ابايدىڭ اقىلى، ابايدىڭ كەمەلدىگى، ابايدىڭ كىسىلىگى، ابايدىڭ «ءبىرىڭدى قازاق ءبىرىڭ دوس، كورمەسەڭ ءىستىڭ ءبارى بوس» دەگەن بىرلىكشىلدىگى، ابايدىڭ ادامزاتتىق ويلارى، ابايدىڭ گۋمانيزىمى وسىنىڭ بارلىعى ۇلى ويشىلدان قالعان اسىل مۇرالار. ءبىز ونىڭ قادىرىنە جەتىپ، ماڭگىلىك اسپەتتەي ءبىلىۋىمىز كەرەك. ۇلى اقىننىڭ 175 جىلدىق مەرەيتويىنا وراي نۇر- سۇلتان قالاسى اكىمدىگىنىڭ قولداۋىمەن ساكەن سەيفۋللين مۋزەيى ءداستۇرلى رەسپۋبليكالىق اقىندار ءمۇشايراسىن جاريالايدى.

ءمۇشايرا تاقىرىبى - «جۇرەگىمنىڭ تۇبىنە تەرەڭ بويلا.. .». ەلىمىزدىڭ ارقالى اقىندارىن الامان جىر بايگەسىنە قاتىسىپ، ءوز باقتارىن سىناۋعا شاقىرادى. ولەڭ - ءسوزدىڭ پاتشاسى، ءسوز ساراسى، قيىننان قيىستىرار ەر داناسى. تىلگە جەڭىل، جۇرەككە جىلى ءتيىپ، تەپ- تەگىس، جۇمىر كەلسىن اينالاسى، - دەپ اسىل جىردىڭ قاسيەتىن ءبىر اۋىز سوزبەن تۇيىندەگەن حاكىم ابايعا ايتار العىس، ارنالار جىر ەشقاشان تولاستامايتىنى انىق. تاقىرىپقا شەكتەۋ جوق. ۇلى ابايدىڭ سەگىز قىرلى، ءبىر سىرلى دانالىعى مەن دانىشپاندىعىن بۇگىنگى تاۋەلسىز ەلدىڭ مۇراتىمەن ۇشتاستىرا جىرلاۋ اقىنداردىڭ ءوز شابىتىنا بايلانىستى. ەندەشە جۇيرىكتەردى جىر مارەسىندە كۇتەمىز!

باس جۇلدە - 2250000 تەڭگە ءبىرىنشى ورىن - 1150000 تەڭگە ەكى ەكىنشى ورىن - 650000 تەڭگە ءۇش ءۇشىنشى ورىن - 550000 تەڭگە بەس ىنتالاندىرۋ سىيلىعى - 150000 تەڭگە. ءمۇشايراعا ەش جەردە جارىق كورمەگەن تولعاۋلار، توپتاما ولەڭدەر 2020 -جىلدىڭ ماۋسىم ايىنىڭ 1 نە دەيىن قابىلدانادى. ءمۇشايرا قورىتىندىسى ەلوردا كۇنى قارساڭىندا جاريالانادى. ۇمىتكەرلەر شىعارماسىن كومپيۋتەردە تەرىپ، تومەندەگى مەكەن- جايعا جىبەرۋى كەرەك نەمەسە ەلەكترون پوشتامەن astanakalamger@mail.ru مەكەن- جايىنا جولداۋعا بولادى. اۆتوردىڭ اتى- ءجونى، مەكەن- جايى، بايلانىس تەلەفونى، ەلەكتروندى پوشتاسى (بار بولسا) مىندەتتى تۇردە كورسەتىلۋى كەرەك. يندەكس: 010000, نۇر- سۇلتان قالاسى، م. اۋەزوۆ كوشەسى 20/ا ءۇي، ساكەن سەيفۋللين مۋزەيى. تەل. 328467, 533403. جۇلدەگەرلەردىڭ كەلىپ- كەتۋ شىعىنىن ۇيىمداستىرۋشى تاراپ موينىنا المايدى.

Massaget.kz


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات