توقتار سەرىكوۆ: قازاقتى قاسقىرعا ۇقساتامىن، ول ەشقاشان ەشكىمگە باعىنبايدى
سوزىنشە، ءانشى قاسقىرلاردى جوعارى قوياتىن كورىنەدى. ءوز اڭگىمەسىندە ول كوكجالداردى ناعىز اڭداردىڭ تورەسى ەكەندىگىن ايتتى.
توقتار سەرىكوۆ قازاقتار قاسقىرلارعا ەلىكتەسە ەكەن دەيدى.
«ءوز- ءوزىمدى باعالايتىن بولسام، قاسقىرعا ۇقساعىم كەلەدى دەپ ايتاتىن ەدىم. قاسقىرلار اڭنىڭ تورەسى عوي. وسى ۋاقىتقا دەيىن سيركتەردە ادامعا، تاياققا باعىنىپ تۇرعان بىردە- ءبىر قاسقىر كورمەپپىن. جالپى قاسقىر ەشكىمگە ۇقسامايتىن، جەكەشە ءومىر سۇرەتىن جىرتقىش قوي. كۇللى قازاق قاسقىرعا ۇقساسىنشى»، - دەپ ءبولىستى ءانشى.
بۇعان قوسا پروديۋسەر قاسقىردىڭ كۇشىگىنە تيىسكەن جاعدايدا ءوش الماي قويمايتىندىعىن ايتىپ، بۇنى ناعىز ەلىكتەيتىن قاسيەت دەپ اتادى.
«قاسقىردى اڭشىلار توپ بولىپ قۋىپ كەلە جاتقان كەزدە ولاردىڭ اراسىنان »مەنى اتا عوي« دەپ ءبولىنىپ شىعاتىندارى دا بولادى. ونى اڭشىلار جاقسى بىلەدى. ول قاسقىر سول ءۇيىردىڭ ارلانى بولىپ ەسەپتەلەدى. سونداعى الگى ارلاننىڭ بار ويى قاسقىرلاردىڭ اراسىنداعى ۇرعاشىسىن، كارىسىن، كۇشىكتەرىن ولىمنەن الىپ قالۋ. ەموتسياعا بەرىلگەن اڭشى ۇلكەن قاسقىردىڭ وزگەلەردەن ءبولىنىپ شىققانىن سونى قۋىپ، سونى اتىپ الماقشى بولادى. ءوز باسىم قاسقىرلاردى قاتتى قۇرمەتتەيمىن. كوكجالدار وتە تازا، وزدەرىنىڭ ولكەسىنە ەشكىمدى جولاتپايتىن اڭدار. جالپى قازاق جۇرتى قاسقىرلارعا ۇقساسا دەيمىن. وزدەرىنىڭ ۇرپاعى ءۇشىن قاشان دا قۇرباندىققا بارا الاتىن جۇرت بوسا دەيمىن»، - دەيدى توقتار سەرىكوۆ