+7 (701) 759 90 19
3 °С : نۇر-سۇلتان
8 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

بەك ەير رەيستەرىنە ساتىلعان بيلەت قۇنى تولىعىمەن قايتارىلادى - مينيسترلىك

14 قاڭتار 18:02
:ءبولىسۋ
بەك ەير رەيستەرىنە ساتىلعان بيلەت قۇنى تولىعىمەن قايتارىلادى - مينيسترلىك

نۇر- سۇلتان. قازاقپارات - «Bek Air» اۋە كومپانياسىنىڭ ۇشپاي قالعان رەيستەرىنىڭ بيلەت قۇنى جولاۋشىلارعا تولىعىمەن قايتارىلادى. بۇل تۋرالى قازاقپارات يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ حابارلايدى.

«حالىقارالىق اۋە كەمەسى قاۋىمداستىعىنىڭ (ياتا) اقپاراتىنا سايكەس، قازىرگى ۋاقىتتا «Bek Air» اۋە كومپانياسىنان Z9 جەكە يدەنتيفيكاتورى (كودى) قايتارىلىپ الىنباعان. وسى كود اتالعان اۋە كومپانياسىنا تيەسىلى» ، - دەلىنگەن مينيسترلىكتىڭ حابارلاماسىندا.

Z9 كودىن قايتارىپ الۋدىڭ ءوزى دە - «Bek Air» ورىندالماي قالعان رەيستەرىنىڭ اۆيابيلەتتەرىنىڭ قايتارۋ جۇمىسىنا ەش اسەر ەتپەيدى.

«اۋە كومپانياسىنىڭ ياتا كودى - ياتا اۋە كومپانياسىمەن بەرىلگەن 2 نەمەسە 3 سيمۆولدى جەكە يدەنتيفيكاتور. بۇل كود ياتا- نىڭ № 762 رەزوليۋتسياسىنا سايكەس بەرىلەدى. اۋە كومپانياسىنىڭ كودتارىن اۋە كومپانيالار، بيلەت ساتىلىمى بويىنشا اگەنتتىكتەر، بيلەتتەردى برونداۋ جۇيەلەرى مەن اۆياتسيالىق تاسىمالعا قاتىستى وزگە دە كاسىپورىندار پايدالانادى. «بەك ەير» اۋە كومپانياسىنىڭ ورىندالماي قالعان رەيستەرىن بيلەت العان ادامدار العان جەرىنەن بيلەت اقشاسىن تولىعىمەن قايتارىپ الا الادى» ، - دەدى مينيسترلىك.

مينيسترلىك تاراپتاردىڭ ءبىرى مىندەتىن ورىنداماعان جاعدايدا ق ر ازاماتتىق كودەكستىڭ 9-بابىنا سايكەس، ەكىنشى تاراپ سوت ورگانى ارقىلى كەلتىرىلگەن ماتەريالدىق جانە مورالدىق شىعىندى تالاپ ەتە الاتىنىن ەسكە سالدى.

ەسكە سالا كەتسەك، 2019 -جىلدىڭ 27 - جەلتوقسانىندا الماتىدان نۇر- سۇلتان قالاسىنا ۇشىپ شىققان بەكەير كومپانياسىنىڭ ۇشاعى راداردان جوعالىپ كەتتى. كەيىن 95 جولاۋشىسى جانە 5 ەكيپاج مۇشەسى بار ۇشاقتىڭ اپاتقا ۇشىراعانى ءمالىم بولدى. قر پرەمەر- ءمينيسترى اسقار ءماميننىڭ توراعالىعىمەن ۇشاق اپاتىنىڭ سەبەپتەرىن تەرگەۋ بويىنشا ۇكىمەتتىك كوميسسيانىڭ وتىرىسى وتكىزىلگەن ەدى. وقيعانىڭ ءمان- جايىن انىقتاۋ ءۇشىن ۇشاق قۇلاعان اۋماققا ارنايى كوميسسيا جىبەرىلدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات