سەمەيدە ەرتىس وزەنىنىڭ سۋ دەڭگەيى تومەندەۋدە

سەمەي. قازاقپارات - سەمەيدە ەرتىس وزەنىنىڭ سۋى بىرتىندەپ تومەندەپ كەلەدى، دەپ حابارلايدى قازاقپارات قالالىق ت ج باسقارماسىنا سىلتەمە جاساپ.

ت ج باسقارماسىندا كەشە كەشكە «بەيبىتشىلىك» ارالىنداعى ەكى پاتەرلى جەكە تۇرعىن ءۇيدىڭ اۋلاسىن سۋ باسۋ قاۋپىنە بايلانىستى ەكى وتباسىن قاۋىپسىز جەرگە كوشىرىلگەنىن اتاپ ءوتتى. ولاردىڭ ءبىرىن قوناق ۇيگە جايعاستىرسا، ەكىنشىسى تۋىستارىنىڭ ۇيىنە بارعان. قازىرگى ۋاقىتتا اتالعان وتباسىلاردىڭ ءبىرى ۇيىنە ورالدى، ويتكەنى وزەندەگى سۋ دەڭگەيى تۇسە باستادى.

«13 - قاڭتاردا ساعات 14:00 دەن 14 - قاڭتار ساعات 08:00 گە دەيىن سۋ دەڭگەيى 35 سانتيمەترگە تۇسكەن جانە ول 452 سانتيمەتردى قۇرايدى» ، - دەپ ءتۇسىندىرىپ ءوتتى باسقارمادا.

ەسكە سالا كەتەيىك، دۇيسەنبى كۇنى قالا اكىمى ەرماك ءسالىموۆ بريفينگ وتكىزىپ، ەرتىستەگى سۋ دەڭگەيى 478 سانتيمەترگە كوتەرىلگەنىن حابارلاعان بولاتىن. ساراپشىلار تۇسىندىرگەندەي، سۋ دەڭگەيىنىڭ كوتەرىلۋىنە تومەنگى مۇزدىڭ جينالۋى سەبەپ بولعان. قالا باسشىسى جاعدايدى باقىلاۋدا ۇستايتىنىن اتاپ ءوتتى. سونداي- اق، توتەنشە جاعدايعا بايلانىستى جەدەل شتاب قۇرىلدى .