كەنتاۋلىق كوپبالالى اكە «باقىتتى وتباسى» ارقىلى باسپانالى بولدى

كەنتاۋ. قازاقپارات - كەنتاۋلىق كوپبالالى ۇيەلمەن «باقىتتى وتباسى» باعدارلاماسى اياسىندا باسپانالى بولدى، دەپ حابارلايدى قازاقپارات وڭىرلىك كوممۋنيكاتسيالار قىزمەتىنە سىلتەمە جاساپ.

اسىلجان نيازوۆ - تۇركىستان وبلىسى كەنتاۋ قالاسىندا تۇراتىن كوپبالالى اكە. ول «تۇركىستان وبلىستىق مەملەكەتتىك ساقتاندىرۋ قورىندا» قىزمەت ەتەدى. بۇگىندە ول جۇبايىمەن بىرگە ءتورت بالا تاربيەلەپ وتىر. وتاعاسى «باقىتتى وتباسى» باعدارلاماسى ارقىلى كەنتاۋ قالاسىنان ءۇش بولمەلى پاتەر ساتىپ الىپ، جاڭا قونىس يەسى اتاندى.

كوپبالالى وتباسى ءوز باسپاناسىن 10 ميلليون تەڭگەگە ساتىپ العان. ەندى نەسيە بويىنشا اي سايىنعى تولەم - 53 مىڭ تەڭگە.

اسىلجان نيازوۆتىڭ ايتۋىنشا، باسپانا كىلتىن 2019 -جىلى 30 - جەلتوقساندا العان.

«ءبىز كوپبالالى وتباسى رەتىندە تۇرعىن ءۇي كەزەگىنە تىركەلدىك. ءوز باسپانامىز بولماعاندىقتان، اتا- انامىزبەن بىرگە تۇردىق. «باقىتتى وتباسى» باعدارلاماسىنىڭ ارقاسىندا كەنتاۋ قالاسىنىڭ ورتالىعىنان ءۇش بولمەلى پاتەرگە قول جەتكىزدىك. قونىس تويىمىزدى دا اتاپ وتتىك. بۇل - ءبىز ءۇشىن ايتىپ جەتكىزە المايتىن ۇلكەن قۋانىش. وسى باعدارلاما بولماعاندا، وزدىگىمىزدەن تۇرعىن ءۇي ماسەلەسىن شەشە الماس ەدىك. ويتكەنى، سپورت مەكتەبىندە جۇمىس ىستەيتىن جولداسىم بالا كۇتىمىندە. ال مەنىڭ تابىسىم وتباسىن اسىراۋدان ارتىلمايتىن» ، - دەيدى باسپانا يەسى.