بيىل قانشا قاسقىر مەن شيبورى اتۋعا رۇقسات بەرىلدى
«جىل سايىن بيولوگيالىق دايەكتەمەگە ارنالعان مەملەكەتتىك ەكولوگيالىق ساراپتاما جاساۋ بويىنشا قازاقستان رەسپۋبليكاسى اۋماعىنداعى قاسقىر مەن شيبورى سانىن رەتتەۋ ليميتى بەكىتىلەدى. رەتتەۋگە رۇقسات بەرۋ مەملەكەتتىك قىزمەت سانالادى جانە ەلەكتروندى پورتال ارقىلى وبلىستىق ورمان شارۋاشىلىعى جانە جانۋارلار الەمى ينسپەكتسياسىمەن كورسەتىلەدى. ءاربىر اڭشى ەلەكتروندى پورتال ارقىلى ونلاين ءوتىنىم بەرە الادى. قىزمەت اتاۋى: «سانى رەتتەۋ جاتاتىن اڭ تۇرلەرىن اتۋعا رۇقسات بەرۋ»، - دەپ اتاپ وتەدى ول.
ونىڭ اتاپ وتۋىنشە، ينتەرنەت بولماعان جاعدايدا بۇل قىزمەتتى كەز كەلگەن حالىققا قىزمەت كورسەتۋ ورتالىعىنان الۋعا بولادى.
«قاسىر مەن شيبورى حالىقتىڭ دەنساۋلىعىن قورعاۋ، اۋىل شارۋاشىلىعى جانە وزگە دە ءۇي جانۋارلارىن اۋرۋلاردان ساقتاپ قالۋ، قورشاعان ورتاعا شىعىن كەلتىرمەۋ، اۋىل شارۋاشىلىعى قىزمەتىنە ايتارلىقتاي شىعىن كەلۋ قاۋپىن بولدىرماۋ ماقساتتىندا سانى رەتتەۋ جاتاتىن اڭ تۇرلەرىنىڭ تىزىمىنە كىرەدى. 2020 -جىلى رەسپۋبليكا بويىنشا جالپى 4824 قاسقىر مەن 11733 شيبورى اتۋعا رۇقسات بەرىلەدى»، - دەدى ساكەن دىلداحمەت.
اۆتور: مارلان جيەمباي