شاحماتتاعى جاڭا رەكورد
جارىستىڭ ەرەكشەلىگى قاتىسۋشىلار 6 ءتۇرلى جاس مولشەرى بويىنشا ءوزارا مىقتىنى انىقتايدى.
شاحماتشىلار 2 ميلليون تەڭگە جۇلدە قورى ءۇشىن جارىسادى.
قازاقستان شاحمات فەدەراتسياسىنىڭ ۆيتسە-پرەزيدەنتى ەركين يسرايلوۆتىڭ پىكىرىنشە، ەلىمىزدەگى ەڭ اۋقىمدى جارىستىڭ جاستارعا بەرەرى مول.
- 18 جاسقا دەيىنگى قازاقستان چەمپيوناتى - قازاقستانداعى ەڭ ءىرى شاحمات جارىسى. 860 ويىنشى شارشى تاقتادا چەمپيون بولۋ ءۇشىن باق سىنايدى. بيىلعى جارىسقا قاتىسۋشىلاردىڭ كوپتىگىمەن قاتار، كىلەڭ مىقتىلاردىڭ ويىنىمەن دە ەرەكشەلەنەدى. كەز كەلگەن سپورتشى جارىسقا قاتىسقاندا جەڭىمپاز بولسام دەپ تالاپتانادى. ءبىراق باعى مەن بابى قاتار كەلىسكەندەر عانا جەڭىمپاز اتانارى انىق. شاحماتتىڭ سىرىن 100 پايىز مەڭگەردىم دەگەن مىقتىلاردىڭ ءوزى ويىندا ۇتىلىپ قالعانىن بايقاماي قالادى. جاسوسپىرىمدەر اراسىنداعى جارىستىڭ جەڭىمپازىنا الەم چەمپيوناتىنا جولداما بەرەمىز، - دەدى ۆيتسە-پرەزيدەنت.
اقشالاي سىيلىقتار مەن مەدالدار ءاربىر جاس ساناتى بويىنشا جەكە- جەكە كلاسسيكالىق، جىلدام جانە بليتس شاحماتتان العاشقى ءۇش ورىنعا بولىنەدى. سونىڭ ىشىندە كلاسسيكا جەڭىمپازدارى حالىقارالىق چەمپيوناتتارعا جولداما الادى.
قازاقستان شاحمات فەدەراتسياسىنىڭ اتقارۋشى ديرەكتورى يرينا گريشەنكو الەم چەمپيوناتىنا قاتىسۋعا ۇمىتكەرلەردى انىقتاۋ دا وڭاي ەمەس ەكەنىن ايتتى.
- كلاسسيكالىق شاحماتتان 8-18 جاس ساناتىنداعى تۋرنير جەڭىمپازدارى 2020 -جىلعى الەم چەمپيوناتىنا جولداما الادى. ال كۇمىس جۇلدەگەرلەر ازيا چەمپيوناتىنا قاتىسۋعا مۇمكىندىگى بار. سوندىقتان جەڭىمپازداردى تورەشىلەر انىقتايدى. ماعان بيىل چەمپيوناتقا قاتىسۋشىلاردىڭ ىنتا- ىقىلاسى، ەرىك-جىگەرى مىقتى بولعاندىعى قۋانتتى، - دەدى يرينا گريشەنكو.
ۇلدار مەن قىزدار كلاسسيكالىق، جىلدام جانە بليتس ويىندارىندا شۆەيتساريالىق جۇيە بويىنشا 9 تۋر وتەدى.
ۇيىمداستىرۋشىلاردىڭ ايتۋىنشا، چەمپيونات 17-قاڭتارعا دەيىن جالعاسادى.