11:15, 14 - قاڭتار 2020 | GMT +6
كونور ماكگرەگور مەن «كوۆبوي» جەكپە-جەگىن قايدان كورۋگە بولادى
نۇر-سۇلتان. قازاقپارات - قازاقستاندىقتار 18-قاڭتارداعى يرلانديالىق كونور ماكگرەگور مەن امەريكالىق دونالد سەررونەنىڭ ايقاسىن «QAZSPORT» ارناسىندا تىكەلەي ەفيردەن تاماشالاي الادى، دەپ حابارلايدى قازاقپارات.
كەيىنگى كەزدەسۋلەرىن جەڭىلىسپەن اياقتاپ جۇرگەن كونور ماكگرەگور وسىعان دەيىن 25 جەكپە- جەك وتكىزىپ، 21 رەت جەڭىسكە جەتكەن. بۇعان دەيىنگى ايقاسىن يرلانديالىق سپورتى رەسەيلىك حابيب نۋرماگامەدوۆتەن وتكىزىپ، ءتورتىنشى راۋندتا جەڭىلگەن ەدى. ال دونالد سەررونە وتكەن جىلى 4 كەزدەسۋ وتكىزگەن. ەكى رەت قارسىلاستارىنان باسىم تۇسكەنىمەن، قالعان ەكەۋىندە ەسە جىبەردى. جەكپە- جەكتە جۇرگەنىنە كوپ بولعان امەريكالىق سپورتشى 49 مارتە ايقاسقا ءتۇسىپ، 36 جەكپە- جەگىن جەڭىسپەن اياقتاعان.
اتالمىش تۋرنيردى «QAZSPORT» تەلەارناسى تىكەلەي ەفيردە كورسەتەدى. UFC 246 جارىسى 19-قاڭتار كۇنى ەلوردا ۋاقىتىمەن ساعات 07:00-دە باستالادى.